Yohana 10:6 - Eriiraghano Eriihë

⁶ Yesu ꞉naabhabhooriire abhaato bhaare gho ghetuubhaani, amare ibho bhataamënyiri ghano are arabhabhoorera.

Yohana 10:6 Referans Kwoze

Yohana 16:25

“Nekobhabhoorera ghoose ghayo gho nchëra e bhetuubhaani. Eriibhagha ndekuucha rino ntaaghosiikëra na niinyu gho nchëra e bhetuubhaani, amare nekobhabhoorera haheero ighoro e Taata.

Mataayo 13:51

Yesu akabhabhoori abhaanabheegha bhaache akabhugha, “Moghamënyiri ghoose ghayo nebhabhooriire?” Ibho bhaghagharokeri bhakabhugha, “Ntoghamënyiri.”

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

1 Abhakorinto 2:14

Amare omooto uno ataanyi na Akörö e Ryobha, taaghosongʼaana ghano ghaakoru mo‑Körö e Ryobha. Ghokooche ghayo n‑gha ghitaraaho, wiiki taaghotora ghoghamënya, gho kubha ngakumënyu kwo bhotoorereri bho Körö e Ryobha.

Yohana 8:43

Ngwake motaakumënya ghano nekobhabhoorera? N‑gho kubha mokwanga ghutëghëërëra amangʼana ghaane.

Yohana 8:27

Ibho bhataamënyiri kubha naare arasiikëra nabho ighoro e Taata o Mwishaaro.

Yohana 7:36

Kana, naanyi ne egheteemoro ke hano akobhugha, ‘Moghuntabhara, amare motaakondighi, wiiki hano neekubha, inyu motaaghotora kuucha’?”

Yohana 6:60

Ibheere abhaghëndi bhaaru bha Yesu hano bhooghwire ghayo, bhakabhoorani bhakabhugha, “Ameeghi ghano m‑mahaari chwee! Kana, n‑niwe aghotora ghoghiishereri?”

Yohana 6:52

Mbe, Abhayahuuti bhaghasëëma ghushangʼaana na kobhoorani bharabhugha, “Omooto uno nibhu aghotora ghotuha omobhere waache, kubha towurë?”

Mataayo 13:34

Yesu naare araghabhoorera amakinda gha bhaato bhayo ghoose kwo bhetuubhaani. Taare arasiikëra ghyokyose ghokoobho mbagha asiikërë gho ghetuubhaani.

Maariko 4:34

Taare arasiikëra ghyokyose ghokoobho mbagha asiikërë gho ghetuubhaani. Amare, hano are omwene na abhaanabheegha bhaache, ꞉naabherekeriiri ghoose.

Yohana 16:29

Mbe, abhaanabheegha bhaache bhakamobhoorera bhakabhugha, “Oo Omweghi, ibheere ˆoghasëëma ghosiikëra na niitu inkongʼorimu, koru taanyi kwo bhetuubhaani!

2 Bheetero 2:22

Nkeenyi‑ho ekirëngi ke hëënë kino ghekobhugha kubha, “Aseese nehaagharukera amaroki ghaache ayeene,” wiiki nkeenyi‑ho ekende kino ghekobhugha kubha, “Ambeechi ino bhayishaabhiri, nehaagharukera ghwigharaghara wiiki mo‑matoto.” Hangʼu nibhu ekubha ghokoobho.