Yohana 10:4 - Eriiraghano Eriihë

⁴ Aramara ghochehoroki anche changʼöndu cheeche choose, nahaachikangata ambërë, nacho chehamuntambana gho kubha ncheeche eriiraka reeche.

Yohana 10:4 Referans Kwoze

Yohana 10:16

Eni neenyi na changʼöndu echende chino chetaanyi che mo‑mowaara uno, choose nekwëndëru nechirëëtë. Changʼöndu chiyo choose nchekorimënya eriiraka reene. Gho nchëra iyo, ndeekubha erikinda rimu, no omoriishi umu.

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

1 Bheetero 2:21

Eryobha ndebhabherekiire kwo bhoghumereri bhuyo, gho kubha koru Kirisito omwene nanyaakiru gho ghiri yaanyu. Gho ghuköra hangʼu, akabhatighera eghetuubhaani, kubha mubhe moramwegha.

1 Bheetero 5:3

Motabha abhariishi abhahaari kwo bhano moghukangata, amare mo‑riimanya reenyu, mubhe eghetuubhaani ghichömu ghokoobho.

1 Abhakorinto 11:1

Mbe, moonyeghe eni, kinya bhuno eni nemweghiri Kirisito.

Yohana 10:8

Bhoose bhano ꞉bhaankangatiri kubha abhariishi bha changʼöndu, mbaare abhiibhi na amanyangara, amare changʼöndu chetabhatëghëëriire.

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 6:20

Yesu nakangatiri na ghusöha ahaghiro hayo gho ghiri yiito. Nawe akabha Omuchaama Omokoro o miishe ghyose, kinya bhuno Merikiseteeki are.

Abhaebheeso 5:1

Mbe, gho kubha inyu n‑abhaana bha Ryobha moonyi bhano resiighiri, mweghe asughara na amaköri ghaache.

Yohana 3:29

Omokwiru nahëëndëru ghuye kwo mokwiri. Eni neenyi kinya bhuure omusaani o uno aghokwira, niimeeriire rubhareka rooche na neghuchömëru eriibhagha nekooghu eriiraka reeche. Mahëënë neghuchömëru ne emeremo ghino chwee.

Yohana 13:15

Nëbhëërëkiri eghetuubhaani kubha na niinyu mukörërane kinya eni nebhaköriire inyu.

1 Bheetero 4:1

Mbe, gho kubha Kirisito nanyaakiri mo‑mobhere waache, inyu bhoose mwisëëmi kunyaaka kinya iwe. Neghosiikëra hangʼu, gho kubha, omooto uno amariri kunyaaka mo‑mobhere waache, nataaniri na amasari.

Yohana 10:3

Omochongi o mowaara nahaamoshokorera ekehita na changʼöndu nchehooghu eriiraka reeche. Omoriishi nahaachebherekera changʼöndu cheeche kwo mariina ghaabho na ghochikangata ghuye anche.

Yohana 10:5

Changʼöndu chetaaghotora komuntambana omughëni, amare nchekomungʼösa gho kubha cheteeche eriiraka reeche.”

Yohana 10:27

Changʼöndu cheene nchehooghu eriiraka reene. Eni necheeche bhoheene, nacho cheghuntambana.