34 Yesu akabhagharokeri akabhugha, “Kana, tyandëkuru mo‑bhitabhu bheenyu bhe meghiro kubha Eryobha ꞉ndeebhughiri, ‘Inyu n‑emisambu?’
Mo‑meghiro gheenyu ꞉yaandëkuru kubha, obhwibhateri bho bhaato bhabhere m‑bho mahëënë.
Amare ghano ngarweriire kubha ghahikeerane amangʼana ghano ghaandëkuru mo‑Mandëkö Amatööbhiyu kubha, ‘꞉Mbaandëghiri bhoowa.’
Mbe, erikinda re bhaato bhakamugharokeri Yesu bhakabhugha, “Ntooghwire mo‑Mandëkö Amatööbhiyu kubha, Kirisito naakubha muhöru emiishe ghyose. Mbe, ngwake okobhugha abhaato mbakomotiiri Omoona o Mooto? Kana, Omoona o Mooto n‑niwe?”
Mo‑Mandëkö Amatööbhiyu yandëkuru kubha, “Omutëmi Waryobha nabhughiri kubha, ‘Neghosiikëra na abhaato bhano kohetera abhaghëni bha kurë, bhano bhaghosiikëra ebhighambo ebhihë, koru hangʼu bhataaghuntëghëërëra.’ ”
Ngaandëkuru mo‑Mandëkö Amatööbhiyu kubha abhaato bhano bhasongʼaaniri angʼana e Ryobha, Eryobha ꞉ndeebhaghambiri kubha n‑emisambu. Na niitu ntweche kubha ghano ghaandëkuru mo‑Mandëkö Amatööbhiyu m‑mahëënë chaasiko choose.