Yohana 10:18 - Eriiraghano Eriihë

¹⁸ Taanyi‑ho omooto uno aghotora kuuhöka obhuhöru bhoone. Eni neenyi no obhotoro bho kobhoruusi obhuhöru bhoone, wiiki eni neenyi no obhotoro bho kobhwimoki wiiki obhuhöru bhoone. Hangʼu nibhu Taata ꞉andagheriiri ghuköra.”

Yohana 10:18 Referans Kwoze

Abheebhuraaniya 2:9

Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Yohana 10:17

“Taata nansiighiri gho kubha nekoruusi obhuhöru bhoone, kubha neramara nebhwimoki wiiki.

Yohana 14:31

Amare nekwëndëru abhaato bha mo‑se bhatore kumënya nemosiighiri Taata, kinya bhuure Taata ꞉andagheriiri, nibhu neghuköra. “Ibheere, mwimeerere toru hano.”

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

Yohana 15:10

Aribha moraghööta amaraghereri ghaane, mokwëndërëra ghwikara mo‑bhosiighi bhoone, kinya bhuure eni nighöötiri amaraghereri gha Taata waane na ghwikara mo‑bhosiighi bhooche.

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Amaköri gha Bhatomu 3:15

Mbe, mokamwita uno anyi omutangi o bhuhöru! Amare Eryobha rekamoryoki koru mo‑bhaku, na niitu n‑abhiibhateri bha koryoka kooche toonyi.

Amaköri gha Bhatomu 2:24

Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu!

Yohana 5:30

Yesu akëëndërëra ghosiikëra arabhugha, “Ghetaanyi‑ho egheghiro ghyokyose kino neghotora ghuköra kwo bhotoro bhoone. Nekobhatenera ekiina abhaato kurëngʼaana na kebhuno Taata akomboorera. Gho ghiri iyo ghotena ekiina koone n‑kwo bhuhëënë, gho kubha nteeghuköra amënda ghaane eni mwene, amare n‑amiigha gha Ryobha rino rentomiri neghuköra.

Amaköri gha Bhatomu 2:32

Yesu uyo, Eryobha ꞉ndeemoryokiri koru mo‑bhaku, itu bhoose n‑abhiibhatereri bha ngʼana iyo toonyi.

Yohana 19:11

Yesu akamugharokeri Bhiraato akabhugha, “Tongabheere no obhotoro bhobhoose ighoro yaane, aribha otangahaabhuru ne Eryobha. Amare omooto uno antooriri mo‑mabhökö ghaacho, naanyi na amasari makoro chwee.”

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.