Yohana 1:42 - Eriiraghano Eriihë

⁴² Niho Andereya akamohira Simiyooni o‑Yesu. Yesu akamumööhërëri Simiyooni, akamobhoorera akabhugha, “Iye Simiyooni, mwërëëti o Yohana, korwera reero, eriina reecho nokobherekeru Keebha.” Eriina riyo gho Keyunaani m‑Bheetero, egheteemoro keeche n‑Eriitare.

Yohana 1:42 Referans Kwoze

1 Abhakorinto 15:5

Akiyëërëkani gho Keebha, na kwo bhatomu bhaache ikomi na bhabhere.

1 Abhakorinto 3:22

ibhe neeni Bhawuro, abhe n‑Abhooro, hamu Keebha. Wiiki Eryobha ndebhaheere ebheghiro bhyose kobhatoori, bhibhe bhe hano mo‑se, hamu obhuhöru, hamu oroko, bhibhe bhino bheenyi‑ho ibheere, hamu bhino bheekubha‑ho, bhyose m‑bhebheenyu.

1 Abhakorinto 1:12

Ibheere, ghano nekwënda ghosiikëra nigho ghano, kubha, omooto woose ghate yaanyu naghosiikëra ghaghaache, umu nakobhugha kubha, “Eni n‑o Bhawuro.” Owonde nakobhugha kubha, “Eni n‑o Abhooro.” Owonde nakobhugha kubha, “Eni n‑o Keebha.” Owonde nakobhugha kubha, “Eni n‑o Kirisito.”

Abhagharatiya 2:9

Mbe, Yakobho na Bheetero na Yohana, bhano ꞉bhaare abhakoro bha bhakangati bha riikanisa, bhakamënya kubha Eryobha niryo reheere emeremo ghiyo gho ghareeya yaache. Bhaghatughööta amabhökö eni na Bharinaabha, kwërëki kubha ntoonyi no obhumu nabho. Toghiishererani kubha, itu toghi kuraghani Angʼana Anchömu mo‑bhaato bha matöngö, nabho bhasaaghe bharayiraghani mo‑Bhayahuuti.

1 Abhakorinto 9:5

Ibheere, mokwihëëbha kubha itu totaanyi no obhohuuru bho ghuye no omukari omokumi, mo‑rughëndö ro kuraghani angʼana ighoro e Kirisito, kinya bhuno abhatomu abhande ꞉bhaaköriri, na abhahiiri bha Mutëmi Yesu, na koru Keebha?

Mataayo 10:2

Amariina gha bhatomu bhayo ikomi na bhabhere nigho ghano: O mumbërë n‑Simiyooni uno akobherekeru Bheetero, na Andereya omonyi waache, na Yakobho mwërëëti o Sebhetaayo, na Yohana omonyi waache,

Ruuka 5:8

Hano Simiyooni arooche ghano gharweriire hayo, akahighama ambërë e Yesu, akamobhoorera akabhugha, “Oo Omutëmi, otiikara na neeni, gho kubha eni n‑omooto o masari neenyi!”

Yohana 21:2

Mbaare‑ho Simiyooni Bheetero, Tomaso uno eriina reeche erende n‑Eghisare, Natanaheri uno aruure Kana e Ghariraaya, abhaana bhabhere bha Sebhetaayo, na abhaanabheegha bhaache abhande bhabhere mbaare haghirohamu.

Maariko 3:16

Ghano nigho amariina gha bhatomu ikomi na bhabhere bhano Yesu ahwire: Simiyooni, uno amoheere eriina erende, Bheetero,

Yohana 13:18

“Nteeghosiikëra ghano gho ghiri yaanyu bhoose. Nebheeche abhaato bhano nebhahwire kubha abhaanabheegha bhaane. Amare ngakwëndëru ghahikeerane Amandëkö Amatööbhiyu ghano ghakobhugha kubha, ‘Musaani waane uno are araraaghëra haghirohamu na neeni, aghiigharura kubha omobhisa waane.’

Ruuka 6:14

Simiyooni, uno Yesu aheere eriina re Bheetero, na Andereya omonyi waache Simiyooni, na Yakobho, na Yohana, na Bhiiribho, na Bhatoromaayo,

Abhagharatiya 1:18

Hano emeeka etato ghehetiri, neeghaye iyo Yerusareemu, kubha nitëmëërane na Bheetero. Neghiikara awaache chaasiko ikomi ni ishaano.

Abhagharatiya 2:11

Mbe, hano Bheetero ahikiri Antiyokiya, orosiko rumu nekamoreghesi haheero, gho kubha naare ataasiri.

Yohana 4:16

Yesu akamugharokeri akabhugha, “Nooghi omobherekere omosubhe waacho, uche nawe hano.”