Yohana 1:41 - Eriiraghano Eriihë

⁴¹ Hayo hayo, aghaye komutabhara Simiyooni omokoro waache. Hano amobhwine, akamobhoorera akabhugha, “Ntomorooche Masiya!” Masiya egheteemoro keeche n‑Kirisito.

Yohana 1:41 Referans Kwoze

Yohana 4:25

Omukari uyo akamugharokeri akabhugha, “Nyeeche kubha Masiya nakuucha, uno akobherekeru Kirisito. Wiiki nyeeche kubha eriibhagha akuucha naghotobhoorera ghoose.”

Yohana 1:45

Mbe, Bhiiribho akamubhöna Natanaheri, akamobhoorera akabhugha, “Ntomorooche omooto uno Musa andëkiri amangʼana ghaache mo‑ghitabhu ke Meghiro, wiiki uno abharööti ꞉bhaandëkiri amangʼana ghaache. Eriina reeche n‑Yesu o Nasareeti, mwërëëti o Yusubhu.”

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Ruuka 2:38

Kwo riibhagha riyo, Ana akahika hayo ꞉bhaare Simiyooni, na Yusubhu, na Mariyamu no omoona uyo, aghasëëma koreghongi Eryobha. Arabhabhoorera amangʼana gha moona uyo, mo‑bhaato bhayo ꞉bhiitëngʼiire kubha, Eryobha ndeghotoori Yerusareemu.

Ruuka 2:17

Hano bhamorooche omoona uyo, bhakabhabhoorera abhaato amangʼana ghoose, ghano marayika wuure ꞉abhabhooriire ighoro yaache.

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

Mataayo 1:23

“Mööhi! Omuukë uno ataamara amënya omosubhe naghughëgha anda, nawe nakwibhora omoona o ghesiite! Nabho mbakomoroka eriina reeche Emanweri.” Egheteemoro keeche, “Eryobha ndeenyi haghirohamu na niitu.”