Yohana 1:29 - Eriiraghano Eriihë

²⁹ Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Yohana 1:29 Referans Kwoze

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.

1 Bheetero 1:19

Amare, ndebhatooriri gho kuhökëri amasaahë ghano ghaanyi ne eriighori ikoro. Amasaahë ghayo n‑gha Kirisito, iwe naare kinya omoona o ngʼöndu uno ataanyi no obhurëma koru ghosuuheru.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Obhohunyurëru 6:1

Nekamara nekarighi Omoona o Ngʼöndu aranaanura omohuuri wuure o nyaghame o mumbërë mo‑mehuuri ghiire mohungate. Achekumara eghetyenyi kimu ghate e bhiire bhine, ghekaruusi eriiraka kinya re runanehi, kerabhugha, “Nuuche!”

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Abhagharatiya 3:13

Kirisito natotingwiri koru mo‑riihiimo re meghiro gho kwimoki eriihiimo riyo gho ghiri yiito. Amandëkö Amatööbhiyu ngakobhugha, “Wowoose uno amamburu mo‑musarabha, niihiimuru.”

Yohana 1:36

Niho akamorighi Yesu araheta haghuhe nabho. Akabhabhoorera abhaanabheegha bhaache akabhugha, “Mööhi, uyo n‑Omoona o Ngʼöndu o Ryobha!”

Obhohunyurëru 7:17

Neekubha hangʼu gho kubha, Omoona o Ngʼöndu uyo anyi haghuhe ne eghetumbe ghe ghitëmi naakubha omoriishi waabho. Nakobhakangata bhoose ghuye haghuhe ne ebherika bhe manche gha bhuhöru. Naryo Eryobha ndekobhatareki changishori cheebho.”

Amaköri gha Bhatomu 8:32

Amandëkö ghano are arasöma, nigho ghano, “꞉Naakangaturu kinya angʼöndu ino eghuye ghosinchu. Aghakira kiri, kinya omoona o ngʼöndu ahaakira hano akubha aranungu amachööki.

Obhohunyurëru 17:14

Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”

Obhohunyurëru 15:3

Mbaare bhareemba omwembo o Musa omusësë o Ryobha, no o Moona o Ngʼöndu, bharabhugha, “Omutëmi Waryobha o Bhotoro Bhoose, amaköri ghaacho m‑makoro na gha koroghoori. Iye niiye Omutëmi o matöngö ghoose, na chanchëra cheecho n‑che hëënë, na che bhuhëënë.

Obhohunyurëru 14:1

Nekamara nekarëkëra amiisho, nekarighi Omoona o Ngʼöndu imeeriire ighoro e gheghoro ghe Sayuuni haghirohamu na abhaato ekirara kimu ne ebheku miröngö ene na bhane (144,000). Abhaato bhayo, mbaare bhaandëkuru mo‑bhesho bheebho eriina re Moona o Ngʼöndu na ri Ishe.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

Obhohunyurëru 19:9

Marayika uyo akamboorera akabhugha, “Andëka, ngʼoni bhano bharaghiinu mo‑nyangi e riirugha e Omoona o Ngʼöndu.” Wiiki akamboorera akabhugha, “Ghano nighambiri n‑amangʼana gha mahëënë gha Ryobha.”

Obhohunyurëru 14:10

omooto uyo woose naakunyo adivaayi e bhororo bho Ryobha. Adivaayi iyo n‑indoro kinya amaro ghano ghatasangeriini na amanche. Eryobha eryene ndekomwitoorerera omooto uyo mo‑ghisënchö ke bhororo bhooche, anyo. Eryobha ryose ndekomunyaaki mo‑mororo muhaari chwee ambërë e bhamarayika abhatööbhiyu na ambërë e Moona o Ngʼöndu.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Obhohunyurëru 19:7

Na niitu, tuchömëru, tuchaghane na komoghongi. Gho kubha anyangi e riirugha re Moona o Ngʼöndu ˆrekahika, no omokwiru namariri ghwisëëmi.

Obhohunyurëru 14:4

Abhaato bhayo mbahaamutambana Omoona o Ngʼöndu hohoose hano aghuye. Bhatighonchiri no obhoghonchu na abhakari, gho kubha mbaare bhataamara bhataara na abhakari. ꞉Mbaatingwiru koru ghate e bhaato abhande, bhaakabha a bhambërë koruusibhu amaruusi kwo Ryobha na kwo Omoona o Ngʼöndu.

Obhohunyurëru 5:8

Hano akiimokiri eghitabhu kiyo, ebhetyenyi bhiire na abhagharuka bhaare bhaaghagho kebhuuma ambërë yaache. Omooto woose naare ne eritingo na ebhetibha bhe sahaabhu bhiichwire ebheneeso. Ebheneeso bhiyo nigho amasabhi gha bhatööbhiyu.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 21:9

Akamara marayika umu o bhaare mohungate bhano ꞉bhaare ne ebhetibha mohungate bhe chanaabhi mohungate che kumareereri akaacha akamboorera akabhugha, “Nuuche hano, nekwërëki omokwiru, uno akubha omukari o Omoona o Ngʼöndu.”

Obhohunyurëru 6:16

Bhakabhebhoorera ebheghoro bhiyo na amatare, “Motoghwere! Motobhise kubha wuure ikeere mo‑ghetumbe ghe ghitëmi ataacha ghotwibhönëërëri. Motobhise, totaacha korighi obhororo bho Omoona o Ngʼöndu.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Obhohunyurëru 21:27

Amare ghetaanyi‑ho ghyokyose kino keenyi gheghonchu kino gheghusöha mo‑moghya uyo, koru omooto wowoose uno aghuköra amangʼana gha chaasoni hamu ghosiikëra obhuröngö. Amare, abhaato bhano bhaghusöha mo‑moghya uyo m‑bhaare amariina ghaabho ghaandëkuru mo‑Ghitabhu ke Bhuhöru ke Omoona o Ngʼöndu.

1 Yohana 4:10

Bhuno nibho obhosiighi, taanyi kubha niitu ꞉tooresiighiri Eryobha, amare iryo niryo ꞉reetosiighiri itu. Nikyo ꞉reemotomiri Omoona waache, abhe amaruusi gha ghosinchu kubha aruusi amasari ghiito na ghotutëmëërani ne Eryobha.

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

1 Abhakorinto 15:3

Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Obhohunyurëru 5:6

Mbe, haghuhe ne eghetumbe kiire ghe ghitëmi, nekarighi Omoona o Ngʼöndu imeeriire. Naare inaariiru ne ebhetyenyi bhiire bhine na abhagharuka bhaare miröngö ebhere na bhane. ꞉Naarighiibhu anga kinya asinchuru. Naare na chahëmbë mohungate na amiisho mohungate. Amiisho ghayo n‑Chaakörö mohungate che Ryobha chino cheere chetomuru mo‑se yoose.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Amaköri gha Bhatomu 13:39

Gho kohetera iwe, omooto woose uno akomokumi Yesu nakubhareru obhuhëënë. Angʼana ino tehikeriine gho ghughööta emeghiro ghe Musa.

Mataayo 1:21

Nakwibhora omoona o ghesiite, niiye omoroke eriina reeche Yesu, gho kubha niwe akobhatoori abhaato bhaache koru mo‑masari ghaabho.”

Obhohunyurëru 21:14

Eribhendo riyo re moghya ndeere ryabhëkuru ighoro e mabhohe ikomi na abhere gha bhoroso. Na kira riibhohe ndeere ryandëkuru eriina re umu ghate e bhatomu bhaare ikomi na bhabhere bha Moona o Ngʼöndu.

Abheebhuraaniya 2:17

Gho ghiri iyo, ꞉niichiri anyi kinya bhuno abhahiiri bhaache toonyi mo‑ghoose, kubha abhe Omuchaama Omokoro uno anyi o bheghongi no omuhëënë mo‑meremo gheeche ambërë e Ryobha. Gho nchëra iyo ꞉niiruusiri amaruusi gha ghutëmëërani abhaato ne Eryobha, kubha Eryobha rebhaabhërë abhaato amasari ghaabho.

Yohana 1:35

Atabhoori yaache, Yohana naare haghirohamu na abhaanabheegha bhabhere ghate e bhaanabheegha bhaache.

Yohana 1:43

Atabhoori yaache, Yesu akëënda kobhooka ghuye mo‑mukööwa o Ghariraaya. Niho akamorighi Bhiiribho, akamobhoorera akabhugha, “Nuuche, untambane.”

Yohana 2:1

Hano chaasiko ibhere chehetiri, ꞉niiköruru anyangi e riirugha mo‑moghya o Kana, mo‑mukööwa o Ghariraaya. Mwirugha riyo naare‑ho nyina Yesu.

Yohana 4:42

Bhakamobhoorera omukari uyo bhakabhugha, “Mbagha ibheere ntomokumiri omooto uno taanyi gho ghiri e ghano ꞉otobhooriire agheene. Amare ibheere ntokomokumi gho kubha ntooghwire itu bheene ghano abhughiri. Wiiki ntumënyiri kubha, mahëënë niwe Omotoori o se.”

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”