Yohana 1:15 - Eriiraghano Eriihë

¹⁵ Yohana ꞉naaghambiri kwo bhaato amangʼana gha mooto uyo, aghatiiri eriiraka arabhugha, “Uno niwe neere nerabhabhoorera nerabhugha, ‘Nakuucha omooto anyuma yaane, omokoro ghonkera eni, gho kubha naare‑ho eriibhagha eni nekeere kwibhoru.’ ”

Yohana 1:15 Referans Kwoze

Mataayo 3:11

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Abhakorosaayi 1:17

Iwe naare‑ho korwera ebheghiro bhyose bhekeere ghutëëmu, wiiki gho kohetera ghokooche, ebheghiro bhyose ꞉mbiighöötiine haghirohamu.

Yohana 17:5

Oo Taata, neghusabha wërëki obhokumi bhoone obhokoro, obhokumi obhokoro bhuno neere nabho eriibhagha toonyi haghirohamu, eriibhagha ore okeere ghutëëma ase.

Ruuka 3:16

Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”

Obhohunyurëru 2:8

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Simurina, no omobhoorere obhughe, ‘Eni neeni o Mumbërë na Antenero. Neere nekuure, nekaryoka ni ibheere m‑muhöru neenyi! Mutëghëërërë ghano nekobhabhoorera!

Abheebhuraaniya 13:8

Yesu Kirisito w‑wuure wuure, icho, na reero ne emiishe ghyose.

Yohana 1:27

Uyo niwe uno akuucha anyuma yaane. Eni nteekurëngʼaanera koru ghusaasura chambasani che bhekwera bheeche.”

Maariko 1:7

Yohana naare araraghani arabhugha, “Omooto nakuucha anyuma yaane, uno anyi na changuru ghonkera eni. Eni nteekurëngʼaanera koru kwihiinya na ghusaasura chambasani che bhekwera bheeche.

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”