Yohana 1:1 - Eriiraghano Eriihë

¹ Simoka hayo, Angʼana neere‑ho. Angʼana iyo neere haghirohamu ne Eryobha. Wiiki Angʼana iyo neere Eryobha.

Yohana 1:1 Referans Kwoze

Yohana 17:5

Oo Taata, neghusabha wërëki obhokumi bhoone obhokoro, obhokumi obhokoro bhuno neere nabho eriibhagha toonyi haghirohamu, eriibhagha ore okeere ghutëëma ase.

Obhohunyurëru 19:13

Naare abheekiri andachana ino etibhuru mo‑masaahë. Eriina reeche nabherekiiru, “Angʼana e Ryobha.”

Abhakorosaayi 1:17

Iwe naare‑ho korwera ebheghiro bhyose bhekeere ghutëëmu, wiiki gho kohetera ghokooche, ebheghiro bhyose ꞉mbiighöötiine haghirohamu.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Obhohunyurëru 22:13

Eni neeni Simoka na Antenero, eni neeni uno niisëëmiri amangʼana ghoose na ghoghamareereri.”

Yohana 1:2

Korwera simoka, Angʼana iyo nibheere haghirohamu ne Eryobha.

Obhohunyurëru 1:8

Omutëmi Waryobha nakobhugha kubha, “Eni neeni Simoka na Antenero, uno anyi‑ho, na korwera simoka naare‑ho na naakubha‑ho. Eni n‑Eryobha re Bhotoro Bhoose.”

Abhabhiribhi 2:6

Nangabha iwe naare arëngʼiine ne Eryobha, akarighi taanyi bhoheene asaaghe aghöötëriire riyo.

Mataayo 1:23

“Mööhi! Omuukë uno ataamara amënya omosubhe naghughëgha anda, nawe nakwibhora omoona o ghesiite! Nabho mbakomoroka eriina reeche Emanweri.” Egheteemoro keeche, “Eryobha ndeenyi haghirohamu na niitu.”

Obhohunyurëru 21:6

Akamboorera wiiki akabhugha, “ˆGhakahikeerana! Eni neeni Simoka na Antenero, eni neeni uno niisëëmiri amangʼana ghoose na ghoghamareereri. Omooto woose uno anyi na anyööta, nekomuha bhoowa amanche koru mo‑bherika bhe manche gha bhuhöru, anyo.

Abheebhuraaniya 13:8

Yesu Kirisito w‑wuure wuure, icho, na reero ne emiishe ghyose.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Yohana 16:28

Eni neruure o‑Taata nekaacha mo‑se ino, amare ibheere neghutanura mo‑se ino, nigharuke o‑Taata.”

Obhohunyurëru 1:17

Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero.

Yohana 20:28

Tomaso akamugharokeri akabhugha, “Omutëmi waane ne Eryobha reene!”

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

Abheebhuraaniya 7:3

Nekorighibhu kubha abhiibhori bha Merikiseteeki bhatamënyuru, no orwibhoro rooche rotamënyuru, kwibhoru na ghoku kooche ghotamënyuru. Iwe n‑kinya Omoona o Ryobha, gho kubha n‑omuchaama o miishe ghyose.

Obhohunyurëru 3:14

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Rawotikiya, no omobhoorere obhughe, ‘Eni neeni nekobherekeru Hawubhaabha, gho kubha nekuhëënëhi obhuhëënë bho Ryobha kwo mahëënë. Eni neeni omutange o bhetyenyi bhyose bhino ꞉bhiitëëmuru ne Eryobha. Mutëghëërërë ghano nekobhabhoorera!

Abhaebheeso 3:9

Wiiki nebhatoorere haheero abhaato bhoose bharighi amangʼana gha Ryobha ghano ꞉ghaare ghabhisuru kinya ghakohikeeranibhu. Eryobha rino ritëëmiri ebheghiro bhyose ꞉ndeebhisiri amangʼana ghayo korwera simoka.

Obhohunyurëru 1:2

Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

1 Yohana 5:7

Wiiki Akörö Ahörëëru neghoghaghambera ghayo kubha n‑nga hëënë, gho kubha Akörö Ahörëëru niyo obhuhëënë.

Abharuumi 9:5

Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Obhohunyurëru 2:8

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Simurina, no omobhoorere obhughe, ‘Eni neeni o Mumbërë na Antenero. Neere nekuure, nekaryoka ni ibheere m‑muhöru neenyi! Mutëghëërërë ghano nekobhabhoorera!

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

Ruuka 24:53

Bhaghiikara hayo Mwisëngërö, bharareghongi Eryobha.

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”

Abhakorosaayi 1:15

Kirisito n‑eghetuubhaani ke Ryobha, rino retaakorighibhu, na niwe omutange o bheghiro bhyose bhino ꞉bhiitëëmuru.