Yakobho 5:16 - Eriiraghano Eriihë

¹⁶ Mbe, mubhe moratuukuunerana amasari ghaanyu na ghusabherana kwo Waryobha, kubha mubhönë kuhöribhu amabhabharu ghaanyu. Amasabhi gha mooto omuhëënë ngaanyi no obhotoro bho ghuköra amangʼana amarito.

Yakobho 5:16 Referans Kwoze

Mataayo 21:22

Aribha moonyi no obhokumi, ghyokyose kino moghusabha Eryobha, ndekobhaha.”

Yohana 9:31

Ntweche kubha Eryobha retahooghu amasabhi gha bhaköri bha masari, amare ndehooghu omooto wowoose wuure akoresooka na ghuköra amiigha ghaache.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Yohana 3:22

Wiiki ghyokyose kino tokorisabha ndeghotuha, gho kubha ntoghoghesooka emeghiro gheeche na ghuköra ghano ghakorichömëri.

Amaköri gha Bhatomu 19:18

Niho abhaato bhaaru bhano ꞉bhaare bhamokumiri Yesu bhakaacha bhaghatuukuuna ambërë e bhaato kwo mabhe ghaabho ghano ꞉bhaare bhaköriri.

1 Abhatesaronike 5:17

wiiki mubhe morasabha motatigha naabha.

Abheebhuraaniya 12:13

Mughëndë mo‑chanchëra chino chighörörökiri, kubha kino keenyi ekibhëëru ghetaacha kunyahaareka, amare kihöru.

1 Abhatesaronike 5:25

Bhahiiri bhiito, itu bhoose motusabhere kwo Waryobha.

Mataayo 3:6

Bhaakabha bharatuukuuna amasari ghaabho, nawe akabha arabhabhatiisa mo‑rooche ro Yorotaani.

Abheebhuraaniya 13:18

Mwëndërërë ghotusabhera. Ntoonyi no obhuhëënë kubha emetema ghiito ghetaaghototenera ekiina ghyokyose, gho kubha ntoghwiköngʼi ghuköra ghano ghaanyi gha hëënë kwo bhaato bhoose.

Abheebhuraaniya 11:7

Obhokumi ꞉mbuuköriri Nuhu akaresooka Eryobha, hano remoshaangʼiri ighoro e mangʼana ghano ꞉ghaare ghakeere korwera. Gho ghayo aghaköra asafina kubha etoori abhaato bhaache. Gho kohetera obhokumi bhuyo, niyahwire na abhaato bha mo‑se bhano bhataarekumiri Eryobha, kubha bhateneru ekiina. Wiiki kwo bhokumi bhuyo, Eryobha rekamubhara kubha omuhëënë ambërë yaache.

Abharuumi 5:19

Omooto umu akaanga koresooka Eryobha, aghaghëri abhaato bhoose bhabhe abhaköri amasari. Hangʼu hangʼu, omooto umu uno asookiri Eryobha, naghughëri abhaato bhabhe abhahëënë ambërë e Ryobha.

Abharuumi 3:10

N‑kinya Amandëkö Amatööbhiyu ghakobhugha kubha, “Taanyi‑ho omooto uno anyi omuhëënë ambërë e Ryobha, koru umu.

Abheebhuraaniya 11:4

Obhokumi ꞉mbuuköriri Abheeri akareruuseri Eryobha amaruusi amachömu ghokera ghano Kaayini ꞉aruusiri. Kwo bhokumi bhuyo Eryobha ꞉ndeemubhariire Abheeri kubha omuhëënë gho ghosongʼaana amaruusi ghaache. Nangabha Abheeri akuure, amare obhokumi bhooche mbokwëndërëra kubha eghetuubhaani ghichömu ghokwito koru reero.

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

Ruuka 9:6

Niho abhatomu bhayo, bhaaghaye bharahetera mo‑bhyaro. Mbaare bharabharaghaneri abhaato Angʼana Anchömu, na kuhöri abhabhabharu haghirohamu na kuhëëbha emisambu ahaghiro hoose hano bhaghiire.

Maariko 1:5

Abhaato bhaaru koru mo‑moghya o Yerusareemu na mo‑mukööwa woose o Yuteya mbaare bharamutambana Yohana. Abhaato bhayo bhaghatuukuunera amasari ghaabho, akabhabhatiisa mo‑rooche ro Yorotaani.

Amaköri gha Bhatomu 8:24

Simiyooni akamugharokeri, “Munsabhere kwo Mutëmi yaaya, kubha ghano mobhughiri ghataacha kumböna.”