Yakobho 5:13 - Eriiraghano Eriihë

¹³ Moonyi no omooto uno akunyaaka ghate yaanyu? Nakwëndëru asabhe Eryobha. Hamu naanyi‑ho wowoose uno achömiiru? Nakwëndëru embe emyembo ghe ghoghoghi.

Yakobho 5:13 Referans Kwoze

Abhaebheeso 5:19

Gho ghayo, mubhe moreemberana gho Sabhuri, na kwo myembo na gho chatensi che mo‑motema. Mubhe moramwembera na komuchaghanera Omutëmi Yesu, kwo metema gheenyu ghyose.

Abheebhuraaniya 5:7

Eriibhagha Yesu are mo‑se ino, ꞉naasabhiri, na ghusasaama na korera chwee ambërë e Ryobha rino reenyi na changuru che komotoori koru mo‑roko. Eryobha ndyoghwire amasabhi ghaache gho ghiri e kwinyööhi kooche.

Obhohunyurëru 14:3

Abhaato ekirara kimu ne ebheku miröngö ene na bhane bhayo (144,000), mbaare bhiimeeriire ambërë e ghetumbe ghe ghitëmi, na ambërë e bhetyenyi bhiire bhine bhe bhuhöru, na abhagharuka bhaare miröngö ebhere na bhane. Abhaato bhayo mbaare bhareemba omwembo omuhë, na taanyi‑ho owonde uno atoriri kwegha omwembo uyo, nanyinga abhaato bhano bhatooriibhu koru mo‑se abheene.

Ruuka 22:44

Eriibhagha riyo Yesu naare mo‑bhororo bhwaru chwee, bhokamuköra iköngʼi ghusabha Eryobha. Hano are arasabha Eryobha, akaru ebhigheri bhetuubhiine na amasaahë, bheekabha bheratoonya haase.]

Mataayo 26:30

Bhakamara bhakeemba emyembo ghe koreghongi Eryobha. Hano bhamariri kwemba, bhaghatanura hayo, bhaaghaye mo‑gheghoro ke Miseyituuni.

Obhohunyurëru 7:10

Bhaakabha bharatiiri amaraka bharabhugha, “Obhotoori mbookoru kwo Waryobha wiito, uno ikeere mo‑ghetumbe ghe ghitëmi, na kwo Moona o Ngʼöndu.”

1 Abhakorinto 14:26

Ibheere abhahiiri bhaane, tobhughe bhu? Hano mookubha mwikomiine ghusabha, umu nakwemba omwembo, no owonde nakweghi, no owonde naghosiikëra ghano Eryobha remohunyuriire, no owonde naghosiikëra eghighambo ekihë, no owonde naghugharura eghighambo. Amangʼana ghayo ghoose ghaköru gho ghuköngʼi abhakumi.

Ruuka 23:42

Achekumara ghayo, akabhugha, “Oo Yesu! Hano oghusöha mo‑bhutëmi bhoocho, na neeni ohiite!”

1 Abhakorinto 14:15

Ibheere nekwëndëru ghuköra ke? Neghusabha mo‑körö gho ghighambo ekende, wiiki neghusabha kwo bhongo, nekwemba mo‑körö gho ghighambo ekende, wiiki nekwemba kwo bhongo.

Yakobho 5:10

Abhahiiri bhaane, morighi abharööti bhano ꞉bhaasiikiire kwo riina re Mutëmi Waryobha, bhabhe eghetuubhaani ghe ghoghumereri anyaako yaanyu.