Yakobho 5:11 - Eriiraghano Eriihë

¹¹ Bhaare bhaghumeriiri ntokobhabhara kubha mbiitabhiiru. Mooghwire kinya Ayubhu aghumeriiri, na antenero mweche kebhuno Omutëmi amuköriire amachömu. Ghayo ghoose n‑gho kubha Omutëmi niichwire ebheghongi na aghareeya yaaru.

Yakobho 5:11 Referans Kwoze

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

2 Bheetero 2:9

Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,

1 Bheetero 1:13

Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

Ruuka 6:36

“Moghwere bheghongi abhande, kinya Taata wiito ahaaghwera bheghongi abhaato.

Abheebhuraaniya 10:39

Amare totaanyi kinya abhaato bhano bhaghotigha koritambana Eryobha, bhano bhabhoriri. Amare ntoonyi haghirohamu na bhaare bhakorekumi. Gho nchëra iyo, ntotooriibhu.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abhaebheeso 2:4

Amare Eryobha ndeenyi ne ebheghongi no obhosiighi bhooche m‑bhokoro,

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

Abhaebheeso 1:6

Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

Ruuka 1:50

Naakubha araghwera bheghongi abhaato bha chanyiibhoro choose, chino chekomoghwera.

Yakobho 1:2

Abhahiiri bhaane, muchömëru hano mookubha morabhöna amasaki haghare haghare,

1 Bheetero 3:14

Amare nangabha mokunyaaka gho ghiri e ghuköra ghano ghaanyi gha bhuhëënë, Eryobha ndekobhiitabheri. Gho ghayo, motabha na ahaho koru ghotiina bhano bhakobhanyaaki. Amare, mubhe no Omutëmi umu hangʼu mo‑metema gheenyu, niwe Kirisito.

Ruuka 11:10

gho kubha, omooto wowoose uno aghusabha, Eryobha ndekomuha, wowoose uno aghutabhara, Eryobha ndekomuha. Wiiki, wowoose uno aghuköngʼööta eghisëku, Eryobha ndekomwighorera orwighe.