Yakobho 4:17 - Eriiraghano Eriihë

¹⁷ Mbe, omooto woose uno eche ghuköra amachömu amare ataghaköra, uyo naghuköra amasari.

Yakobho 4:17 Referans Kwoze

Yohana 9:41

Yesu akabhagharokeri akabhugha, “Aribha mongabheere abhahuku motangabheere na amasari. Amare mokeere moonyi na amasari, gho kubha mokobhugha mokorighi.”

Yohana 13:17

Moraghamënya ghayo, ngʼoni inyu moraghaköra.

Yohana 15:22

Aribha netangichiri bhowaabho na ghosiikëra nabho, mbangabheere bhataanyi na amasari. Amare ibheere, bhataaghotora ghwitachura kubha bhataanyi na amasari.

2 Bheetero 2:21

Nengabheere ngʼoni ghokoobho aribha bhatangamënyiri inkongʼorimu emeghiro ghino ghekwërëkërëri kino Eryobha rekwënda, ghokera bhaghimënyë, bharamara bhaghetighe emeghiro emitööbhiyu ghino bhahaabhuru.

Abharuumi 1:32

Abhaato bhayo mbeeche bhoheene kubha, omooto araköra amaköri amabhe kinya ghayo, naakubha arëngʼaaniire ghosireekereru ne Eryobha. Koru hangʼu, bhataaghotereera! Mbakwëndërëra ghuköra amabhe kinya ghayo, wiiki mbaghwishererani na abhaato bhano bhaghoghaköra!

Abharuumi 7:13

Amare aribha n‑hangʼu keenyi, n‑emeghiro ghiyo emichömu nighyo ghindëëtiire oroko? Tiyaanyi! Amasari nigho ghandëëtiire oroko gho nchëra e meghiro ghino gheenyi emichömu. Mboore obhorwachi bho Ryobha kubha emeghiro ghibhe ghërëërëki haheero kubha, amasari n‑egheghiro ekebhe chwee.