Yakobho 3:17 - Eriiraghano Eriihë

¹⁷ Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Yakobho 3:17 Referans Kwoze

Yakobho 3:15

Amangʼiini ghanga ghayo, ghataakoru kwo Waryobha, amare n‑amangʼiini amabhe ghano ghakorwera mo‑se, na mo‑chaasughara che bhaato na mo‑Rishambu.

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

Yakobho 1:17

Mumënyë egheghiro kyose eghichömu kino tokuhaabhu, ngekoru Mwishaaro kwo Ryobha omutëëmi o mirëngaari. Iryo retaaghotora ghwigharura kinya ekiriiri kehiigharura.

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.

1 Yohana 3:18

Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

Mataayo 5:8

Ngʼoni bhano bhaanyi na akörö yeero, gho kubha mbakorerighi Eryobha.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Ruuka 6:36

“Moghwere bheghongi abhande, kinya Taata wiito ahaaghwera bheghongi abhaato.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

2 Timotewo 2:24

Wiiki, teekwëndëru omutamishi o Mutëmi kubha omurööni. Amare abhe moghumereri, no omuhörëëru mo‑bhaato bhoose, no omooto uno eche kweghi.

1 Bheetero 2:1

Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

Yakobho 2:4

Gho ghuköra hangʼu, motaakorighi mokeere mwiyahukiini mo‑bhaato, na kobhatenera ekiina, kwo miihëëbhö ghaanyu amabhe?

Abheebhuraaniya 12:11

Taanyi‑ho omooto uno aghuchömëru hano akuröönu, amare naghwitumata. Abhaato bhano bhakwegha kubha na atëëmö inchömu gho nchëra e kuröönu, mbaakubha no omurëmbë na ghuköra amangʼana gha hëënë.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

Yakobho 4:8

Mubhe morariishukerera Eryobha, niho ryose, rekobhiishukerera inyu. Inyu bhano moonyi bha masari, motighe amasari ghaanyu na ghuköra amachömu, inyu bhano moonyi na amiihëëbhö abhere, ghate e Ryobha na ase, moritambane gho chaakörö cheenyu choose.

1 Timotewo 5:21

ˆNeghakuraghereri ambërë e Ryobha, na ambërë e Kirisito Yesu na bhamarayika abhaahöru kubha, ughöötërërë ghayo. Otatena ekiina kwo bhwango hamu kuraarëra eribhaara rimu.

Amaköri gha Bhatomu 11:24

Bharinaabha naare omooto omuhëënë uno ichoriibhu Akörö Ahörëëru no obhokumi. Ekirëngërë ghekoro ke bhaato kino ꞉keemokumiri Omutëmi Yesu ghëkëëngëra chwee.

Mataayo 23:28

Hangʼu hangʼu, na niinyu gho nche mokorighibhu na abhaato kubha moghuköra ghano gharëngʼaaniire ambërë e Ryobha, amare obhuhëënë n‑kubha moose mo‑metema gheenyu n‑chaghughuuti moonyi, na mbaghutambana emeghiro.

1 Abhatesaronike 2:7

Itu ntoore bhanyööhu ghokoonyu kinya bhuno omukari ahaarëra abhaana bhaache.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Amaköri gha Bhatomu 9:36

Mo‑moghya o Yoobha naare‑ho omukari umu omughëndi o Yesu, eriina reeche Tabhiita. (Na mo‑ghighambo ghe Keyunaani, eriina riyo n‑Torikaasi, egheteemoro keeche n‑asuma.) Torikaasi uyo naare arabhasakeri abhahabhe, akabha araköra amaköri amachömu.

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Tiito 3:2

Obhabhoorere bhatatoka omooto wowoose, na bhatabha bharareghesa, bhabhe bhahörëëru, na bhabhe bhanyööhu kwo mooto woose.

Tiito 1:15

Abhaato bhayo mbakweghi kubha, mbeenyi‑ho ebheghiro bheghonchu. Amare eni nebhugha kubha, mo‑bhaato bhano bhaanyi na akörö yeero ambërë e Ryobha, ebheghiro bhyose mbemusuru. Abhaato abhaghonchu na bhano bhataanyi abhakumi, ebheghiro bhyose m‑bheghonchu, gho kubha amiihëëbhö ghaabho na amënda ghaabho, ngiichwire obhoghonchu.

Abharuumi 12:18

Kwo ribhaara reenyu, mwiköngʼi ghuköra ghyokyose kino inyu moghotora, mubhe no omurëmbë na abhaato bhoose.

Abhaebheeso 5:9

Ghano ghakwërëki kubha mumanyiri mo‑bhwero n‑ghuköra amangʼana amachömu, na ghano Eryobha rekwënda, na gha bhuhëënë.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

2 Abhakorinto 9:10

Eryobha niryo rekomuha omooto ambusuro e kwemi ne ekiinyakurë. Hangʼu hangʼu, ndekobhaha inyu ambusuro e kwemi na köyëngërëërëri. Niko kobhugha kubha, ndekobhaha na köbhëëngërëërëri omukörö o kobhasakeri abhande.

Mataayo 5:9

Ngʼoni bhano bhaanyi abharwachi, gho kubha Eryobha ndekobhabherekera abhaana bhaache.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

2 Abhakorinto 7:11

Mööhi! Amacheeche ghano ghakuucha gho ghiri e mënda gha Ryobha ngakobharëëtëra obhwëra obhokoro. Amacheeche ghayo ngabhaköriri kubha na amiigha makoro gha ghuköra ghano ghakwëndëru, na ngabhaköriri ˆmoghiitachura kubha ghano moghuköra n‑gha mahëënë. Wiiki ngabhaköriri kobhurëgha obhobhe, na koresooka Eryobha, na kubha na amiigha gha kondighi, na korighi kubha uno asariri nasongʼaaniri amareho ghaache. Mo‑ghayo ghoose mokwërëki kubha motaanyi ne eriisari mo‑ngʼana ino.

Yakobho 2:13

Eryobha retaakubha na changori hano rekomotenera ekiina omooto uno ataanyi na changori. Amare changori che Ryobha ncheghokinda ghoteneru ekiina!

1 Bheetero 2:18

Inyu abhasësë, mobhasooke chwee abhatëmi bhaanyu, taanyi kwo bhahöriicho hamu abhahörëëru abheene, koru na kwo bhahaari.