Yakobho 3:13 - Eriiraghano Eriihë

¹³ N‑niwe ghate yaanyu, uno anyi na amangʼiini no obhumënyi? Mbe, nëërëki obhumënyi bhooche na amangʼiini ghaache gho ghuköra amaköri amachömu, kwo bhunyööhu bhuno bhookoru mo‑mangʼiini.

Yakobho 3:13 Referans Kwoze

Abhagharatiya 5:23

no obhuhörëëru ne ekirëngërë. Toonyi‑ho omoghiro uno okwanga omooto ataköra amangʼana ghayo.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Mataayo 5:5

Ngʼoni bhano bhaanyi abhahörëëru, gho kubha mbaghughabha ase.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

Tiito 3:2

Obhabhoorere bhatatoka omooto wowoose, na bhatabha bharareghesa, bhabhe bhahörëëru, na bhabhe bhanyööhu kwo mooto woose.

2 Timotewo 2:25

Nakwëndëru abhe arabhakaariha abhaato bhano bhakuhakaana nawe kwo bhuhörëëru, kubha hande abhe hamu, Eryobha rebhahë ghotuukuuna na gho ghayo, bhamënyë obhuhëënë.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

Yakobho 2:18

Ibheere omooto owonde naghotora kobhugha, “Iye, noonyi no obhokumi na neeni neenyi na amaköri amachömu.” Amare eni nekomobhoorera nebhughe, “Nonyëërëki obhokumi bhoocho, ino otaanyi na amaköri amachömu. Eni neghokwërëki obhokumi bhoone gho nchëra e maköri ghaane amachömu.”

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Yakobho 1:21

Gho ghayo, mutaane no obhobhe bhoose, haghirohamu na amabhe maaru ghano ghaghashiri. Moyighöötë gho kwinyööhi angʼana ino Eryobha retooriri mo‑metema gheenyu, gho kubha niyo eghotora kobhatoori.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

Mataayo 11:29

Mwibhöhërë achooki yaane, mweghe ghokoone mbagha hano nekobhasakeri kubha no omurëmbë mo‑metema gheenyu, gho kubha eni m‑muhörëëru wiiki m‑munyööhu neenyi mo‑körö.

Yakobho 3:1

Abhahiiri bhaane, motabha abheeghi bhaaru, kinya bhuure mweche kubha itu abheeghi, Eryobha ndeghototenera ekiina ghokera abhande.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

Abhagharatiya 6:4

Omooto woose isunche atëëmö yaache omwene. Aribha omooto aghuköra amachömu, hayo naghotora kwihachera amangʼana amachömu ghano aköriri. Amare atirëngʼaani na amangʼana ghano omooto owonde aköriri,

Abhagharatiya 6:1

Abhahiiri bhaane, aribha moramënya kubha mughëndi waanyu nataasiri, inyu bhano moghukangatu na Akörö Ahörëëru, momoshaangʼi na komuhööcha kwo bhuhörëëru. Amare mwikabhaahe, motaacha ghusakibhu kubha na atëëmö kinya e yaache.

2 Abhakorinto 8:24

Gho ghayo, möbhëërëki abhaato bhayo obhosiighi bhoonyu, kubha amakanisa ghamënyë kubha ntoonyi ne ekebhune ghe kwihacha ighoro yaanyu.

Mataayo 21:5

“Obhabhoorere abhaato bha Sayuuni kubha, ‘Mööhi, Omutëmi waanyu nakuucha ghokoonyu, m‑muhörëëru, nakuucha ino atiiriri atikere, na atikere iyo n‑ekimööri.’”

1 Bheetero 3:4

Amare oghwichöcha koonyu ghusëëmërë mo‑metema gheenyu, obhuchömu bhuno bhotaaghotora ghusarëka koru ghokunguha. Obhuchömu bhuyo, n‑kubha no omukörö omuhöriicho no obhuhörëëru, na nibho obhuchömu bhuno bhoonyi no obhwëra bhokoro mo‑miisho gha Ryobha.

1 Abhakorinto 6:5

Neghosiikëra hangʼu kubha morighi chaasoni. Kana, ghate yaanyu taanyi‑ho koru omooto umu uno anyi na amangʼiini, uno aghotora ghotena ekiina ghate e mooto umu no omughëndi?

Mataayo 7:24

“Mbe, omooto wowoose uno akooghu amangʼana ghaane na ghoghaköra, natuubhiine no omooto uno anyi na amangʼiini uno abhëkiri anyumba yaache mwitare.

Abheebhuraaniya 13:5

Motabha na atëëmö e ghosiigha chambiiri, amare muhaabhe na bhino moonyi nabhyo, gho kubha Eryobha eryene ꞉ndeebhughiri kubha, “Nteeghoghotigha koru nteeghoghosuuhera naabha.”

1 Bheetero 1:15

Eryobha rino ꞉reebhabherekiire, n‑itööbhiyu. Ibheere inyu bhoose mokwëndëru mubhe abhatööbhiyu mo‑ghoose ghano moghuköra,