Yakobho 2:8 - Eriiraghano Eriihë

⁸ Mo‑Mandëkö Amatööbhiyu, ne emeghiro ghe bhutëmi bho Ryobha ngekobhugha, “Omosiighe omwatani waacho, kinya bhuno wisiighiri iye omwene.” Aribha moghuköra hangʼu, m‑bhoheene.

Yakobho 2:8 Referans Kwoze

Abhagharatiya 5:14

Emeghiro ghyose ghe Musa ngighöötiine mo‑moghiro umu hangʼu, nawe niwe uno, “Omosiighe omwatani waacho, kinya bhuno wisiighiri iye omwene.”

Yakobho 2:12

Mbe, mosiikërë na ghuköra, mubhe morahiita kubha Eryobha ndekobhatenera ekiina kwo meghiro, ghino ghekurëëtëra abhaato ghotighooroku koru mo‑mabhe.

Mataayo 22:39

Omoghiro o kabhere notuubhiine no o mumbërë, nawe nokobhugha, ‘Omosiighe omwatani waacho, kinya bhuno wisiighiri iye omwene.’

Abhagharatiya 6:2

Mubhe moratoorani gho ghusakerani obhorito bho merigho gheenyu. Niho mokohikeerani emeghiro ghe Kirisito.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Yakobho 1:25

Amare omooto uno akumööhi bhoheene emeghiro ghino ghehikeriine na ghino ghekurëëtëra abhaato ghotighooroku koru mo‑mabhe, ino arahiita ghano oghwire na ghoghatereera, uyo niwe aghwitabheru gho ghuköra ghayo.

1 Abhatesaronike 4:9

Ibheere, teekwëndëru ango tobhaandëkërë wiiki amangʼana ighoro e ghosiighana, gho kubha inyu bheene mweghuru ne Eryobha kinya mokwëndëru ghosiighana.

Abhabhiribhi 4:14

Koru hangʼu, muköriri bhoheene ghusanga na neeni mo‑nyaako ino neere nayo.

Mataayo 25:23

“Omutëmi waache akamobhoorera akabhugha, ‘Nuköriri bhoheene chwee. Iye n‑omusësë omughareeya onyi, wiiki omuhëënë! Noore omuhëënë kwo bhesuuhu bhino ꞉neekoheere, ibheere neghoghotoora kubha omwimeerereri o bheghiro bhyaru. Nuuche uchömëru haghirohamu na neeni.’

Yakobho 2:19

Kana iye nookumiri kubha ndeenyi‑ho Eryobha rimu? Hangʼu keenyi! Nuköriri bhoheene! Koru emisambu ghyose, ngeghokumi na ghosingisa kwo bhotiini!

Mataayo 25:21

“Omutëmi waache akamobhoorera akabhugha, ‘Nuköriri bhoheene chwee. Iye n‑omusësë omughareeya onyi, wiiki omuhëënë! Noore omuhëënë kwo bhesuuhu bhino ꞉neekoheere, ibheere neghoghotoora kubha omwimeerereri o bheghiro bhyaru. Nuuche uchömëru haghirohamu na neeni.’

Mataayo 7:12

“Mbe, mobhakörërë abhaato abhande kinya bhuure mokwënda bhabhakörërë inyu. Kiyo nikyo egheteemoro ke meghiro ghe Musa na ameeghi gha bharööti.

Abharuumi 13:10

Omooto uno amosiighiri omwatani, taakomukörëra amabhe. Gho ghayo, obhosiighi nibho anchëra e ghosooka emeghiro ghe Ryobha.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.