Yakobho 2:18 - Eriiraghano Eriihë

¹⁸ Ibheere omooto owonde naghotora kobhugha, “Iye, noonyi no obhokumi na neeni neenyi na amaköri amachömu.” Amare eni nekomobhoorera nebhughe, “Nonyëërëki obhokumi bhoocho, ino otaanyi na amaköri amachömu. Eni neghokwërëki obhokumi bhoone gho nchëra e maköri ghaane amachömu.”

Yakobho 2:18 Referans Kwoze

Yakobho 3:13

N‑niwe ghate yaanyu, uno anyi na amangʼiini no obhumënyi? Mbe, nëërëki obhumënyi bhooche na amangʼiini ghaache gho ghuköra amaköri amachömu, kwo bhunyööhu bhuno bhookoru mo‑mangʼiini.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

Yakobho 2:14

Abhahiiri bhaane, haanyi no obhwëra ke kwo mooto uno aghwighamba kubha naanyi no obhokumi amare ataanyi na amaköri amachömu? Kwo bhuhëënë obhokumi bhooche bhotaaghotora komotoori.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Tiito 2:7

Iye woose, mo‑mangʼana ghaacho ghoose, ubhe eghetuubhaani ghe kweghu gho ghuköra amachömu. Mo‑meeghi ghaacho, wërëki asooko no obhuhëënë.

Abharuumi 14:23

Amare, wowoose uno anyi na ahaho ighoro e kiinyakurë kino akurë, uyo naghoteneru ekiina ne Eryobha, gho kubha omooto uyo naghokumi kubha kiire aghuköra n‑kebhe ambërë e Ryobha. Kinya omooto aghuköra ghyokyose kino ataaghokumi kubha n‑ghichömu, hayo niho aghuköra amasari.

Abheebhuraaniya 11:31

Obhokumi ꞉mbuuköriri Rahaabhu uno are omukari musöngörëëri akahöna ghwitu haghirohamu na abhaato bhano bhataare bhararekumi Eryobha. Akahöna ghwitu gho kubha ꞉naabhaghënëhiri abhaseghaayi bha Bhiisiraeri kwo murëmbë.

Abheebhuraaniya 11:33

Kurëngʼaana na ghokumi koobho, abhaato bhayo ꞉mbaarööniri amahë na abhatëmi bha chaase echende, bhakabhakinda. Mbaare bharakangata kwo bhuhëënë na ghosongʼaana ghaare Eryobha ꞉riiraghiri kobhaha. Wiiki mbaare na changuru che kohunya emenu ghe chaaka.

Abheebhuraaniya 11:6

Taanyi‑ho omooto uno aghotora koretegheri Eryobha aribha ataanyi no obhokumi. Omooto woose uno akwënda korisëngëra Eryobha, nakwëndëru ghokumi kubha Eryobha ndeenyi‑ho, na kubha ndekobhaha atuho bhano bhaghwiköngʼi koritabhara.

1 Abhakorinto 13:2

Koru wiiki nengabheere neraruusi obhurööti na kumënya ebhebhisere bhyose na kubha no obhumënyi bhoose, koru nengabheere no obhokumi bho ghotora ghusaami ebheghoro, amare aribha ntighöötë obhosiighi, eni nteenyi egheghiro.

Abharuumi 3:28

Ntweche kubha Eryobha niryo rekubharera omooto kubha naanyi no obhuhëënë gho komokumi Omutëmi Yesu okwene, taanyi gho ghughööta emeghiro ghe Musa.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

Abharuumi 4:6

N‑kinya omutëmi Tawuti ꞉abhughiri ighoro e rubhango ro mooto uno Eryobha rekomubharera kubha omuhëënë ino atamööhëriiri amaköri ghaache. ꞉Naabhughiri kubha,

Abharuumi 9:19

Ibheere, omooto naghotora akabhoori kubha, “Aribha hangʼu keenyi, ngwake Eryobha rehaatëma amasörö omooto wowoose? Taanyi‑ho omooto koru umu uno ꞉atoriri kwanga kino Eryobha rekwënda!”