Yakobho 2:14 - Eriiraghano Eriihë

¹⁴ Abhahiiri bhaane, haanyi no obhwëra ke kwo mooto uno aghwighamba kubha naanyi no obhokumi amare ataanyi na amaköri amachömu? Kwo bhuhëënë obhokumi bhooche bhotaaghotora komotoori.

Yakobho 2:14 Referans Kwoze

Ruuka 6:49

“Amare, wowoose uno aghutëghëërëra amangʼana ghaane na kwanga ghoghatereera, omooto uyo, natuubhiine na uno abhëkiri anyumba yaache mwiröbhë eryene, etaghöötë obhoroso. Hano orooche rwichwire, amanche ghaghatëma anyumba iyo, hayo hayo eghagho haase, ekahaanyuka yoose.”

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

2 Bheetero 1:5

Gho ghayo, mubhe moriiköngʼi kubha obhokumi bhoonyu bhwëngëru obhuchömu, no obhuchömu bhuyo bhwëngëru obhumënyi.

Yakobho 2:26

Gho ghayo, aribha omooto abheere no obhokumi amare taanyi na amaköri machömu, obhokumi bhooche bhuyo, mbokuure, kinya omobhere uno otaanyi na akörö, nookubha okuure.

Abheebhuraaniya 11:17

Obhokumi ꞉mboomuköriri Abhurahamu, hano Eryobha ꞉reemusakiri, aghiishereri akaruusi Isaka abhe amaruusi gha Ryobha. Abhurahamu niwe ꞉ahaabhuru eriiraghano koru kwo Waryobha, amare ꞉niisheriiri komoruusi omoona waache omwene chiri abhe amaruusi,

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Yakobho 2:18

Ibheere omooto owonde naghotora kobhugha, “Iye, noonyi no obhokumi na neeni neenyi na amaköri amachömu.” Amare eni nekomobhoorera nebhughe, “Nonyëërëki obhokumi bhoocho, ino otaanyi na amaköri amachömu. Eni neghokwërëki obhokumi bhoone gho nchëra e maköri ghaane amachömu.”

Amaköri gha Bhatomu 8:21

Iye tughöötë ahaghiro koru omubharo mo‑meremo ghino, gho kubha omotema waacho, toonyi mughöröröku ambërë e Ryobha.

Mataayo 5:20

Mbe, ˆnekabhabhoorera kubha, aribha moraanga ghuköra ghano Eryobha rekwënda ghokera Amabharisaayo na abheeghi bha meghiro, motaaghusöha kimu mo‑bhutëmi bho Mwishaaro.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

1 Abhakorinto 15:2

Aribha moraghööta amangʼana ghano ꞉niiraghiini ghokoonyu, hayo mokubhöna obhotoori. Amare aribha motaaghoghaghööta, obhokumi bhoonyu mbookubha bhotaanyi no obhwëra.

Amaköri gha Bhatomu 15:9

Mbe, Eryobha retaaköriri obhwahukani ghate yaabho na niitu, gho kubha bhoose n‑gho nchëra iyo iyo e komokumi Yesu niyo yeeriri emetema gheebho.

Yakobho 2:16

na umu ghate yaanyu amobhoorere abhughe, “Nooghi no omurëmbë, waate omororo na ghwighota,” amare tamotooriri gho komobheeki hamu komwighoti, m‑bhwëra ke akubha amuköriire?

1 Timotewo 4:8

Nimënyuru kubha, “Kowuhöki omobhere ubhönë changuru nkoonyi no obhwëra bhosuuhu hangʼu. Amare, ghuköra ghano ghakwëndëru ambërë e Ryobha, nkoonyi no obhwëra mo‑ghoose, gho kubha ngoghotuha obhuhöru bho miishe ghyose bhuno Eryobha returaghiire, bhwi ibheere na bhuno bhokuucha.”

Amaköri gha Bhatomu 8:13

Simiyooni woose akamokumi Yesu, akabhatiisu, aghaghöötana na Bhiiribho. Hano arooche ebheroghooro ebhekoro bhino Bhiiribho are araköra, bhekamoroghoori chwee.

1 Abhakorinto 16:22

Omooto wowoose uno atamosiighiri Omutëmi Yesu, niihiimuru. Omutëmi wiito nuuche!

Abharuumi 2:25

Oghusaaru koocho ngookubha no obhwëra, erabha oghuköra kinya bhuno emeghiro ghekwërëkërëri. Amare arabha noghusari emeghiro, iye nookubha kinya omooto uno atasaaruru.

Ruuka 3:11

Akabhagharokeri akabhugha, “Uno anyi na amaghööti abhere, aruusi rimu amuhë uno ataghöötë, wiiki uno anyi ne ebhiinyakurë, woose akörë hangʼu hangʼu.”

Yakobho 1:16

Abhahiiri bhaane abhasiighani, motangʼiinu.