Yakobho 1:9 - Eriiraghano Eriihë

⁹ Omokumi omuhabhe uno ataanyi no obhwëra nakwëndëru achömëru gho kubha Eryobha ndemoghongiri.

Yakobho 1:9 Referans Kwoze

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

Obhohunyurëru 2:9

Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

Ruuka 1:52

Na bhano ꞉bhaare bharatëmi kwo bhotoro bhwaru, akabharuusi mo‑bhutëmi bhoobho, amare abhaato bhano bhaanyi ne eriimanya re haase, bhabhe abhaato abhakoro.

Abhabhiribhi 3:14

Mbe, neghwiköngʼi mo‑rughëndö kubha nehike mo‑ntenero na kuhaabhu atuho yaane. Atuho iyo niyo amberekerera e Ryobha gho nchëra e Kirisito Yesu.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

Ruuka 10:20

“Koru hangʼu, motasiighasiigha gho kubha emisambu ngekobhasooka. Amare, mosiighesiighe kwo ngʼana ino kubha, amariina ghaanyu ngamariri kwandëku Mwishaaro.”

Ruuka 9:48

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Ruuka 14:11

Wiiki, omooto woose uno aghwitiiri, Eryobha ndekomwiki haase. Omooto woose uno aghwitoora haase, Eryobha ndekomotiiri ighoro.”