Yakobho 1:3 - Eriiraghano Eriihë

³ gho kubha, mweche ghusakibhu kwo bhokumi bhoonyu ngokobhaha obhoghumereri.

Yakobho 1:3 Referans Kwoze

Abheebhuraaniya 10:36

Mokwëndëru mubhe moraghumereri kubha eriibhagha mookubha moraköra ghano Eryobha rekwënda, mubhönë kiire Eryobha ꞉reebharaghiire kobhaha.

Abhakorosaayi 1:11

Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru

1 Bheetero 1:7

Amasaki ghayo ngakurëngi obhokumi bhoonyu bhorighibhu kubha m‑bho hëënë. Asahaabhu ayeene ne egheghiro kino kehaasakibhu gho ghweku no omororo, nangabha ehaasarëka. Hangʼu hangʼu obhokumi bhoonyu bhuno bhoonyi bho riighori ikoro ghokera asahaabhu, mbokwëndëru bhurëngu, bhorighibhu kubha m‑bho hëënë. Hayo Yesu Kirisito nakobhaha aghongo, no obhokumi obhokoro na asooko, orosiko runo akuucha kwiyërëkani haheero.

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

2 Abhakorinto 4:17

Neghosiikëra hangʼu, gho kubha anyaako yiito n‑ihoho na n‑e riibhagha ighuhe hangʼu. Wiiki, neghotusëëmëra obhokumi obhokoro bho miishe ghyose. Obhokumi obhokoro bhuyo m‑bhokoro chwee, mboghotuköra korighi anyaako ino, n‑egheghiro ghesuuhu hangʼu.

Abharuumi 15:4

Ghoose ghano ꞉ghaandëkuru kare mo‑Mandëkö Amatööbhiyu, ꞉ngaandëkuru gho ghiri e ghotweghi itu. Amandëkö ghayo ngaghotusakeri ghoghumereri mo‑nyaako yiito na ghotughambisani, kubha tubhe na amiitëngʼërö.

2 Bheetero 1:6

Wiiki obhumënyi bhuyo bhwëngëru ghwikangata, na ghwikangata kuyo kwëngëru obhoghumereri, no obhoghumereri bhuyo bhwëngëru ghuköra ghano ghakwëndëru ambërë e Ryobha.

Abharuumi 8:25

Amare toriitëngʼëra kuhaabhu egheghiro kino totaaghotora ghokerighi, niho toghoghumereri ghughanya, totaaghoku omukörö.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

2 Abhatesaronike 3:5

Omutëmi aghikangate emetema gheenyu mumënyë bhoheene obhosiighi bho Ryobha no obhoghumereri bhuno bhwërëkuru na Kirisito.

2 Abhatesaronike 1:4

Gho ghayo, ntoghosiikëra gho ghesubhe subhe mo‑makanisa gha Ryobha gho ghiri e bhoghumereri no obhokumi bhoonyu bhuno moonyi nabho, mo‑nyaako yoose ino ekobhabhöna.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Ruuka 21:19

Obhuhöru bhoonyu mboghotooribhu, hano moghoghumereri.

Abheebhuraaniya 6:12

Motabha abhatöbhu, amare mweghe gho nchëra e ghokumi na ghoghumereri, koru kwo bhano bhasongʼaaniri ghano Eryobha ꞉riiraghiri kobhaha.