Yakobho 1:27 - Eriiraghano Eriihë

²⁷ Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.

Yakobho 1:27 Referans Kwoze

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Yakobho 4:4

Inyu n‑abhaato bhano motaanyi no obhuhëënë n‑kinya abhataari, bhano mokwanga Eryobha! Moteeche kubha, ghughöötana obhusaani na ase, n‑kubha abhabhisa bha Ryobha? Gho ghayo, omooto woose uno akwënda ghughöötana obhusaani na ase, naghwiköri omwene kubha omobhisa o Ryobha.

1 Timotewo 5:4

Amare omosino wowoose arabha na abhaana hamu abhaachokoro, nekwëndëru bhayo singa bheeghe kebhuno bhakobhatoori abhahiiri bhaabho. Bharaköra hangʼu, niho bhakoreha abhiibhori bhaabho amachömu ghano ꞉bhaabhaköriire. Hangʼu nibhu Eryobha reghuchömëru.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

Ruuka 1:6

Bhayo bhabhere mbaare bhahëënë ambërë e Mutëmi Waryobha, na mbaare bharasooka emeghiro gheeche ghyose, na bhataaghitaasiri.

Mataayo 5:8

Ngʼoni bhano bhaanyi na akörö yeero, gho kubha mbakorerighi Eryobha.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Mataayo 12:32

Wiiki Eryobha ndeghotora kobhaabhëra abhaato bhano bhakonyanga eni Omoona o Mooto, amare retaaghotora kobhaabhëra abhaato bhano bhakwanga Akörö Ahörëëru kwo riibhagha rino ri ibheere hamu rino rekuucha.

Abharuumi 2:13

Mbaghoteneru ekiina, gho kubha Eryobha retaakomubharera obhuhëënë omooto uno akooghu emeghiro ghiyo okwene, amare n‑kwo uno aghuköra ghano emeghiro ghekwërëkërëri ghuköra.

Abhagharatiya 3:11

Obhuhëënë n‑kubha taanyi‑ho omooto uno akubharu kubha omuhëënë ambërë e Ryobha gho ghughööta emeghiro ghe Musa, gho kubha Amandëkö Amatööbhiyu ngakobhugha, “Uno anyi omuhëënë, nakumanya kwo bhokumi.”

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Tiito 2:12

Aghareeya iyo, neghotweghi kwanga amabhe na amiigha gha mo‑se. Gho ghayo, eriibhagha tokeere mo‑se ino, tubhe ne ekirëngërë, na abhahëënë, na tubhe abhaato bhano bhamanyiri eriimanya rino Eryobha rekwënda.

Yakobho 3:9

Kwo roreme ntokomoghongi Taata Omutëmi wiito, na kwo roreme ruyo ruyo ntokwihiima abhaato bhano bhabhomburu ne Eryobha gho ghisösö keeche.

2 Bheetero 1:4

Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.

2 Bheetero 2:20

Abhaato bhano bhamariri kungʼösa obhoghonchu bho se ino, bhakamënya bhoheene Omutëmi no Omotoori wiito Yesu Kirisito, bharaghöötu wiiki na ghokindu no obhoghonchu, antenero e riimanya reebho ndeekubha ibhe chwee ghokera e rimbërë.

2 Bheetero 3:14

Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.