Yakobho 1:22 - Eriiraghano Eriihë

²² Wiiki motabha moringʼiina gho ghutëghëërëra okwene angʼana e Ryobha, amare mukörë kinya ekobhugha.

Yakobho 1:22 Referans Kwoze

Abharuumi 2:13

Mbaghoteneru ekiina, gho kubha Eryobha retaakomubharera obhuhëënë omooto uno akooghu emeghiro ghiyo okwene, amare n‑kwo uno aghuköra ghano emeghiro ghekwërëkërëri ghuköra.

Yohana 13:17

Moraghamënya ghayo, ngʼoni inyu moraghaköra.

Yakobho 4:17

Mbe, omooto woose uno eche ghuköra amachömu amare ataghaköra, uyo naghuköra amasari.

1 Yohana 2:3

Torasooka emeghiro ghe Ryobha, niho tookubha no obhuhëënë kubha ntomweche.

Ruuka 11:28

Amare Yesu akabhugha, “Mbiitabhiiru chwee bhano bhakooghu angʼana e Ryobha na koyesooka!”

Mataayo 12:50

Gho kubha omooto wowoose uno aghuköra ghano ghaanyi amiigha gha Taata waane uno anyi Mwishaaro, uyo niwe omwito, na niwe yiima.”

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

Obhohunyurëru 22:7

Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.

Yakobho 1:26

Aribha omooto ariirighi kubha naanyi na atiini, amare ataakoruhööchërëra ororeme rooche, uyo nakwingʼiina mo‑motema waache, ghutambana kooche atiini ghotaanyi no obhwëra ambërë e Ryobha.

Abhagharatiya 6:7

Motingʼiina, Eryobha retaaghochebhoru. Kino omooto akwemi, nikyo aghughësa.

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.

Abhagharatiya 6:3

Mbe, omooto wowoose uno akwirighi kubha no obhwëra ghokera bhaghëndi bhaache, uyo taanyi no obhwëra bhobhoose, nakwingʼiina.

1 Abhakorinto 6:9

Moteeche kubha abhaato abhabhe bhataakobhughabha obhutëmi bho Ryobha? Motingʼiina! Abhataari, abhaato bhano bhaghusëngëra chasanaamu, koru abhasubhe bhano bhakomisi na abhasubhe bhaghëndi bhaabho,

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

1 Yohana 1:8

Aribha tookobhugha kubha itu totaanyi na amasari, ntokwingʼiina itu bheene, toteeche obhuhëënë.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

1 Abhakorinto 15:33

Motangʼiinu na abhaato bhano bhakobhugha hangʼu, gho kubha, “Abhasaani abhabhe, mbaghusari atëëmö inchömu e mooto.”

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

2 Bheetero 2:13

Wiiki mbakorehu anyaako kinya ino bhabhaköriire abhaato abhande. Mbahaachömëru ghwighomba ghuköra amangʼana ghaabho amabhe haheero. Koru hano bhakuraaghëra haghirohamu na niinyu, mbahaachömëru kobhangʼiina.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

1 Abhakorinto 3:18

Omooto wowoose ghate yaanyu atingʼiina kubha naanyi na amangʼiini. Aribha omooto akwirighi kubha naanyi na amangʼiini mo‑se ino, ngʼoni abhe muraghaanu kubha abhönë amangʼiini gha hëënë.

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.