Yakobho 1:19 - Eriiraghano Eriihë

¹⁹ Abhahiiri bhaane abhasiighani, muntëghëërërë bhoheene! Omooto woose abhe mwango o ghutëghëërëra, amare atabha mwango o ghosiikëra hamu ghukarara,

Yakobho 1:19 Referans Kwoze

Abhaebheeso 4:26

Aribha morakarara, motiishereri oghukarara koonyu ghughëri mukörë amasari, na koru hangʼu eryobha retasikera mokeere mukariire,

Abhakorosaayi 3:8

Amare ibheere motighe inkongʼorimu, ghukarara, no obhororo, na amabhe, na amatoki, na amangʼana ghano ghatanchakiine mo‑menu gheenyu.

Abhaebheeso 4:31

Mbe, mutaane no obhororo, na ghukarara, ne eriireghe, na amatoki na kobhiiherana. Mutaane kurë no obhobhe bhoose!

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Yakobho 1:26

Aribha omooto ariirighi kubha naanyi na atiini, amare ataakoruhööchërëra ororeme rooche, uyo nakwingʼiina mo‑motema waache, ghutambana kooche atiini ghotaanyi no obhwëra ambërë e Ryobha.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

Amaköri gha Bhatomu 17:11

Abhaato bha hayo Bherooya mbaare abhaato bhahöriicho chwee ghokera bha Tesaronike. Hano Bhawuro abharaghaniiri angʼana e Ryobha, bhakayiishereri kwo miigha chwee. Bhaakabha bharaghiisuncha Amandëkö Amatööbhiyu chaasiko choose, kubha bharighi aribha ghayo Bhawuro akobhugha n‑gha hëënë.

Ruuka 19:48

Amare bhataabhwine omweya, gho kubha abhaato bhoose mbaare bharamutëghëërëra na ghoghatereera amangʼana ghaache chwee.

Maariko 2:2

Abhaato bhaaru bhaghiikomana mo‑nyumba iyo, koru omweya o kohetera mo‑ghisëku okabhora. Yesu naare araraghaneri abhaato angʼana e Ryobha.

Amaköri gha Bhatomu 10:33

Nikyo ghighëriri neghatoma abhaato ghokoocho bhwango, iye woose nuköriri bhoheene kuucha. Ibheere itu bhoose ntoonyi ambërë e Mutëmi Waryobha, kubha tutëghëërërë amangʼana ghoose ghano Omutëmi akuhatëkiri otobhoorere.”

Amaköri gha Bhatomu 2:42

Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate haghirohamu, na korisabha Eryobha.

Ruuka 15:1

Orosiko rumu, abhatöbhi bha righööti bhaaru na abhaato abhande bha masari, bhakamutambana Yesu, bhamutëghëërërë.

1 Yohana 2:21

Gho ghayo, ˆnekabhaandëkëra anyaarubha ino, teenyi gho kubha moteeche obhuhëënë, amare n‑gho kubha mobhweche. Wiiki mweche kubha obhuröngö bhobhoose bhuure bhotaakoru mo‑bhuhëënë.

Amaköri gha Bhatomu 13:48

Hano abhaato bha matöngö bhooghwire amangʼana ghayo, bhaghasiighasiigha chwee, bhaghatöghösi Angʼana e Mutëmi. Bhoose bhano ꞉bhaare bhaahwiru kubhöna obhuhöru bho miishe ghyose, bhakamokumi Yesu.

Maariko 12:37

“Aribha Tawuti omwene nakomobherekera Kirisito arabhugha Omutëmi waache, ibheere, Kirisito nibhu aghotora abhe omoona waache wiiki?” Erikinda ikoro re bhaato mbaare bharamutëghëërëra Yesu gho ghuchömëru.

Amaköri gha Bhatomu 1:15

Eriibhagha riyo, abhaghëndi bha Yesu bhano ꞉bhaare bhiikomiine muyo mbaare, eriighana rimu na miröngö ebhere. Niho Bheetero akiimeerera ghateghate yaabho,

Yakobho 1:2

Abhahiiri bhaane, muchömëru hano mookubha morabhöna amasaki haghare haghare,

Yakobho 1:16

Abhahiiri bhaane abhasiighani, motangʼiinu.

Yakobho 2:1

Abhahiiri bhaane, gho kubha momokumiri Omutëmi wiito Yesu Kirisito, Omutëmi o bhokumi obhokoro, motabha moriyaahukani mo‑bhaato.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

Yakobho 3:10

Mo‑monu uyo uyo nimu ghakorwera amangʼana gha rubhango na amiihiimo. Abhahiiri bhaane, ghayo ghataakwëndëru ghabhe hangʼu.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.

Yakobho 5:12

Ghokera ghayo ghoose, abhahiiri bhaane, motaraheri kwo rishaaro, na ase na gho gheghiro ghyokyose kiire. Mobhughe mahëënë aribha m‑mahëënë, na mobhughe tiyaanyi aribha n‑tiyaanyi, motaacha ghoteneru ekiina.

Yakobho 5:19

Abhahiiri bhaane, umu ghate yaanyu arataasi na kobhotigha obhuhëënë, no omooto owonde amugharoki wiiki mo‑nchëra e bhuhëënë,