Yakobho 1:12 - Eriiraghano Eriihë

¹² Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

Yakobho 1:12 Referans Kwoze

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Yakobho 5:11

Bhaare bhaghumeriiri ntokobhabhara kubha mbiitabhiiru. Mooghwire kinya Ayubhu aghumeriiri, na antenero mweche kebhuno Omutëmi amuköriire amachömu. Ghayo ghoose n‑gho kubha Omutëmi niichwire ebheghongi na aghareeya yaaru.

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

1 Abhakorinto 9:25

Bhano bhaghokindana mo‑riibhina, mbahihööchërëra mo‑maaru gho ghiri e ghokindana. Mbaghuköra hangʼu kubha bhasongʼaane atuho ino eghusarëka. Amare itu ntoghuköra hangʼu, kubha tubhönë atuho ino etaaghusarëka.

1 Bheetero 3:14

Amare nangabha mokunyaaka gho ghiri e ghuköra ghano ghaanyi gha bhuhëënë, Eryobha ndekobhiitabheri. Gho ghayo, motabha na ahaho koru ghotiina bhano bhakobhanyaaki. Amare, mubhe no Omutëmi umu hangʼu mo‑metema gheenyu, niwe Kirisito.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

1 Bheetero 5:4

Hano Omoriishi Omokoro o riikanisa akuucha korighibhu haheero, nakobhatuha chaatuho che bhokumi obhokoro. Chaatuho chiyo chetaakobhusha naabha.

1 Abhakorinto 2:9

Amare n‑kinya bhuno yandëkuru mo‑Mandëkö Amatööbhiyu kubha, “Ghano Eryobha ꞉reebhasëëmiire bhano bharesiighiri, taanyi‑ho omooto uno are ashamiri ghogharighi koru ghoghooghu, taanyi‑ho omooto uno are ashamiri ghoghatoora mo‑motema waache.”

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.

1 Abhakorinto 8:3

Amare omooto uno aresiighiri Eryobha, uyo niwe akumënyu ne Eryobha eryene.

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.

Abheebhuraaniya 10:32

Amare mohiite chaasiko chiire ꞉muusëëmiri komokumi Kirisito. Nangabha moore morabhöna anyaako inkoro, koru hangʼu moore moraghumereri anyaako iyo.

Abheebhuraaniya 6:15

Mbe, Abhurahamu ꞉naaghanyiri na ghoghumereri mbagha akabhöna kino Eryobha reere remuraghiire.

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Abheebhuraaniya 11:17

Obhokumi ꞉mboomuköriri Abhurahamu, hano Eryobha ꞉reemusakiri, aghiishereri akaruusi Isaka abhe amaruusi gha Ryobha. Abhurahamu niwe ꞉ahaabhuru eriiraghano koru kwo Waryobha, amare ꞉niisheriiri komoruusi omoona waache omwene chiri abhe amaruusi,

1 Yohana 4:19

Ibheere itu ntosiighiri bhaghëndi bhiito ne Eryobha ntoresiighiri, gho kubha Eryobha niryo ꞉riishamiri ghotosiigha.

Abheebhuraaniya 12:5

Kana, mwebhuru amangʼana ghano Eryobha ꞉reebhabhooriire gho kobhatoora omukörö inyu bhano moonyi abhaana bhaache? Eryobha ꞉ndeebhughiri kubha, “Iye omoona waane, otabha orachëëra ghano Omutëmi Waryobha waacho, aghoghutöngëra. Wiiki otaku omukörö hano akubha arakurööna.

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

Abharuumi 5:4

Obhoghumereri nibho bhoghoturëëtëra obhosubhesubhe, no obhosubhesubhe mboghughëri tubhe na amiitëngʼërö.

2 Timotewo 2:15

Wiköngʼi kweghi angʼana e hëënë, kinya bhuno ekwëndëru kwo Ryobha. Hayo nookubha omuhöki o meremo uno ataanyi na chaasoni gho ghiri e meremo gheeche. Ghuköra hangʼu niko Eryobha reghwishereri.

1 Bheetero 4:14

Aribha moghotoku gho ghiri e riina re Kirisito, ngʼoni inyu. Angʼana iyo nekwërëki kubha Akörö e Ryobha e bhokumi obhokoro neenyi haghirohamu na niinyu.