Tiito 3:6 - Eriiraghano Eriihë

⁶ Eryobha ndetwiteriire kwo bhwaru Akörö Ahörëëru koheta ekirëngërë, gho nchëra e Yesu Kirisito Omotoori wiito.

Tiito 3:6 Referans Kwoze

Abharuumi 5:5

Amiitëngʼërö ghayo ghataaghotora ghotosooki, gho kubha Eryobha ndehomiri obhosiighi bhooche mo‑metema ghiito, kohetera Akörö yaacheAhörëëru.

Amaköri gha Bhatomu 10:45

Abhayahuuti abhakumi bhano bhiichiri haghirohamu na Bheetero, bhakahagha chwee korighi kubha Eryobha ˆrekabhaha ekihaano ghe Körö Ahörëëru, koru abhaato bha matöngö aghande.

Yohana 16:7

“Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Tiito 1:4

ˆNeghakwandëkëra iye Tiito, omoona waane o muhëënë mo‑bhokumi bhuno tusangiri haghirohamu. Neghokwëndëra aghareeya no omurëmbë koru kwo Waryobha Taata na gho Kirisito Yesu Omotoori wiito, ghibhe haghirohamu na niiye.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Yohana 7:37

Orosiko ro kumareereri anyangi e bhebhuru ndoore orosiko rokoro chwee. Mbe, Yesu akiimeerera mo‑riigho re Risëngërö, aghatiiri eriiraka akabhugha, “Omooto arooghu anyööta, ache ghokoone, anyo.

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.