Tiito 3:5 - Eriiraghano Eriihë

⁵ Retaaköriri hangʼu gho kubha amaköri ghiito ango n‑gha hëënë ꞉ghaare, amare n‑gho changori cheeche okwene. Ndetomusiri obhobhe bhwito, kuyo niko okwibhoru okuhë. Wiiki ndetoheere eriimanya eriihë gho nchëra e Körö Ahörëëru.

Tiito 3:5 Referans Kwoze

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Abhaebheeso 2:4

Amare Eryobha ndeenyi ne ebheghongi no obhosiighi bhooche m‑bhokoro,

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

Abharuumi 11:6

Mbaahwiru gho ghareeya e Ryobha, gho ghayo bhataaghotooribhu gho ghiri e maköri ghaabho. Aribha bhangatooriibhu gho ghiri e maköri ghaabho, mbe, tengabheere aghareeya wiiki.

Abheebhuraaniya 4:16

Gho ghayo, tubhe abhasubhesubhe ghwishuka ambërë e Ryobha re ghareeya kubha retorigheri changori na ghototoori gho ghareeya yaache hano tookubha mo‑nyaako.

Abhakorosaayi 3:10

mobheekiri atëëmö ahë. Atëëmö ahë iyo nehaabha eraköru bhuhë kurëngʼaana ne eghetuubhaani keeche eryene rino reyebhombiri, kubha morimënyë bhoheene.

Abhagharatiya 2:16

Amare itu ntweche kubha, omooto taaghotora kubharu kubha omuhëënë ambërë e Ryobha gho ghughööta emeghiro ghe Musa. Amare n‑gho komokumi Kirisito Yesu omwene chiri, niko ghoghughëri omooto abhe omuhëënë ambërë e Ryobha. Koru itu bhoose, ntomokumiri Kirisito Yesu kubha tubharu abhaato bha hëënë ambërë e Ryobha gho komokumi Kirisito, taanyi gho ghughööta emeghiro ghe Musa. M‑mahëënë kubha taanyi‑ho omooto uno aghotora kubharu kubha muhëënë ambërë e Ryobha gho ghughööta emeghiro ghe Musa.

Abharuumi 3:20

Amangʼana hangʼu ghaanyi, gho kubha omooto woose taaghotora kubharu kubha omuhëënë ambërë e Ryobha gho ghughööta emeghiro ghe Musa. Emeremo ghe meghiro ghiyo, n‑kobhamënyi abhaato bhoose ighoro e masari ghaabho.

1 Bheetero 2:10

Hayo ekeenyuma, motaare abhaato bha Ryobha, amare ibheere inyu n‑abhaato bhaache moonyi. Wiiki motaare morochiiru changori ne Eryobha, amare ibheere, morochiiru changori.

Abhaebheeso 4:23

na muköru bhuhë mo‑metema na mo‑miihëëbhö ghaanyu.

Abharuumi 3:28

Ntweche kubha Eryobha niryo rekubharera omooto kubha naanyi no obhuhëënë gho komokumi Omutëmi Yesu okwene, taanyi gho ghughööta emeghiro ghe Musa.

Abharuumi 9:11

Amare, ebhisare bhiyo hano bheere bhekeere kwibhoru, na koru bhekeere ghuköra ghyokyose kibhe ghichömu hamu ekebhe, Eryobha rëkëërëki amënda ghaache gha kwahura,

Ruuka 1:78

Eryobha riito, ndetoghweriire ebheghongi chwee. Obhotoori bhooche koru Mwishaaro, mboghotorwera ke mirëngaari,

Ruuka 1:54

Namariri ghotoori omutamishi waache Isiraeri, akahiita komoghwera bheghongi,

Ruuka 1:50

Naakubha araghwera bheghongi abhaato bha chanyiibhoro choose, chino chekomoghwera.

Tiito 3:4

Niho Eryobha, Omotoori wiito, reghatwërëki obhuhöriicho no obhosiighi bhooche, reghatotoori.

Abharuumi 9:30

Mbe, tobhughe ke ibheere ighoro e mangʼana ghayo? Abhaato bha matöngö bhatiiköngʼiri ghutabhara kubhareru kubha no obhuhëënë ambërë e Ryobha, amare Eryobha ndebhabhariire kubha mbaanyi no obhuhëënë gho nchëra e komokumi Kirisito.

Abharuumi 9:16

Gho ghayo, Eryobha eryene niryo reghotora korigheri omooto changori, taanyi kebhuno omooto omwene akwënda hamu kinya aghuköra.

Abharuumi 4:5

Amare omooto uno ataaghwitëngʼëra amaköri ghaache, ararekumi Eryobha rino rekomubharera omooto omobhe kubha omooto omuhëënë, uyo nakubharu ne Eryobha kubha omooto uno anyi omuhëënë kurëngʼaana no obhokumi bhooche.

Ruuka 1:72

Wiiki akabhugha kubha, naakubha araghwera bheghongi bhasookoro bhiito, na arahiita eriiraghano reeche eritööbhiyu.

Abheebhuraaniya 6:6

Abhaato bhayo eriibhagha bhaghotigha korekumi Eryobha, kana, nibhu toghotora kobhagharoki kubha bhatuukuunere amasari ghaabho wiiki? Abhaato bhayo mbakomumamba mo‑musarabha Omoona o Ryobha mara e kabhere na komukörëra chaasoni haheero.

Mataayo 3:11

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Abharuumi 11:14

gho nchëra yoyoose yiire, nebhakörë Abhiisiraeri abhaghëndi bhaane bhabhe na amiigha gha kubhöna obhotoori kinya bhuno inyu mobhwine, kubha abhamu ghate yaabho bhatooribhu.

Abheebhuraaniya 10:22

Mbe, tubhe toraghe ambërë e Ryobha ne emetema myero ghino ghekomokumi kwo bhuhëënë, gho kubha Eryobha ndetomusiri emetema ghiito emebhe gho nchëra e masaahë gha Yesu na ghoghyeghi emebhere ghiito na amanche ameero.