Tiito 3:2 - Eriiraghano Eriihë

² Obhabhoorere bhatatoka omooto wowoose, na bhatabha bharareghesa, bhabhe bhahörëëru, na bhabhe bhanyööhu kwo mooto woose.

Tiito 3:2 Referans Kwoze

Abhaebheeso 4:31

Mbe, mutaane no obhororo, na ghukarara, ne eriireghe, na amatoki na kobhiiherana. Mutaane kurë no obhobhe bhoose!

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

1 Bheetero 3:10

N‑kinya Amandëkö Amatööbhiyu ghakobhugha, “Wowoose uno akwënda kumanya eriimanya ichömu na re rubhango, atighe kobhiiherana na ghosiikëra obhuröngö.

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Mataayo 11:29

Mwibhöhërë achooki yaane, mweghe ghokoone mbagha hano nekobhasakeri kubha no omurëmbë mo‑metema gheenyu, gho kubha eni m‑muhörëëru wiiki m‑munyööhu neenyi mo‑körö.

1 Bheetero 2:1

Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Abhagharatiya 6:10

Mbe, eriibhagha ryoryose torabha no omweya, tobhakörërë abhaato bhoose amachömu, amare ahanene abhakumi bhaghëndi bhiito.

Abhagharatiya 6:1

Abhahiiri bhaane, aribha moramënya kubha mughëndi waanyu nataasiri, inyu bhano moghukangatu na Akörö Ahörëëru, momoshaangʼi na komuhööcha kwo bhuhörëëru. Amare mwikabhaahe, motaacha ghusakibhu kubha na atëëmö kinya e yaache.

1 Timotewo 3:11

Abhakari bhaabho nabho, bhabhe bhano bhaanyi na atëëmö inchömu, bhatabha abhitaamereri bha bhaato, bhabhe ne ekirëngërë, wiiki bhabhe abhahëënë mo‑mangʼana ghoose.

1 Abhatesaronike 2:7

Itu ntoore bhanyööhu ghokoonyu kinya bhuno omukari ahaarëra abhaana bhaache.

Abhabhiribhi 4:5

Obhuhörëëru bhoonyu bhumënyu mo‑bhaato bhoose. Omutëmi Yesu haghuhe anyi kuucha.

1 Abhakorinto 9:19

Eni nteenyi omusësë o mooto wowoose, huuru neenyi. Amare ꞉niitooriri kubha omusësë o bhaato bhoose, kubha nebhatoori abhaato bhaaru bhamokumi Kirisito.

2 Abhakorinto 12:20

Ibheere neghotiina kubha, eriibhagha rino nekuucha bhowaanyu, nekobhabhöna moonyi na atëëmö ino etaaghunchömëri eni. Riyo ndeghughëri nikörë ghano ghataakobhachömëri inyu. Neghotiina kubha neghotora kobhabhöna moonyi ne eriireghe, no obhusööhu, no oghukarara, no obhunyawumu, no obhori bho bhaato, na kwibhora amangʼana, no obhwihachi na amahë.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

Amaköri gha Bhatomu 23:5

Bhawuro akabhagharokeri akabhugha, “Oo abhahiiri bhaane, ntimënyiri kubha iwe n‑Omuchaama Omokoro, gho kubha yandëkuru kubha, ‘Otabha orasiikëra kobhe ighoro e mukangati o bhaato bhaacho.’”

Yuuta 1:10

Amare abhaato bhayo mbaghotoka kino bhatakyeche. Wiiki amangʼana ghano bhagheeche gho ghwitëghëërëra koobho kinya chatyenyi chino chetaanyi no obhongo, ghayo nigho ghakobhasireekereri.

Yuuta 1:8

Nibhu bhaanyi abhaato bhano ꞉neebhughiri kubha bhataakoresooka Eryobha. Mbakurööta amaröötö ghano ghaghughëri bhaghonchi emebhere gheebho, mbakwanga obhotoro bho Ryobha na ghotoka bhamarayika.

2 Bheetero 2:10

ahanene mo‑bhano bhaghutambana amiigha amabhe gha mobhere na ghutaraaha obhotoro bho Ryobha. Abhaato bhayo mbaanyi na atëëmö e rihakaana no obhwihachi, koru bhataaghotiina ghotoka bhamarayika.

1 Bheetero 4:4

Ibheere, abhaato bhano bhataryeche Eryobha, mbakuhagha hano bhakorighi kubha motaaghughöötana nabho ghuköra amabhe, na kurëngʼaana na ghayo, mbakobhatoka.

1 Abhakorinto 6:10

na abhiibhi, na abhasööhu, na abharëëbhi, na abhakobhooshani, na amanyangara, bhayo bhoose bhataakobhughabha obhutëmi bho Ryobha.