Tiito 3:13 - Eriiraghano Eriihë

¹³ Wiköngʼi ghotoori omumënyi wuure o meghiro uno akobherekeru Seena, na Abhooro. Obhahë bhyose bhino bhekwëndëru kobhatoori mo‑nchëra, bhatasuuheru na gheghiro.

Tiito 3:13 Referans Kwoze

Amaköri gha Bhatomu 18:24

Kwo riibhagha riyo mo‑moghya uyo o Ebheeso, akahika‑ho Omuyahuuti umu, eriina reeche Abhooro, omwibhoru o mo‑moghya o Arekisantiriya. Abhooro uyo naare musubhesubhe chwee gho ghosiikëra, naare eche chwee ghaare ghaanyi mo‑Mandëkö Amatööbhiyu.

Mataayo 22:35

Umu o Amabharisaayo bhayo uno are omweghi o meghiro, aghasaki komutëgha Yesu, akamobhoori akabhugha,

Amaköri gha Bhatomu 28:10

Abhaato bhayo bhaghatosooka chwee. Hano toore tutanwire na ameeri ayende, bhaghatotoori gho ghotuha amënda ghano toore törëënda.

1 Abhakorinto 16:11

Omooto wowoose atamutaraaha. Amare momusakeri atanure iyo kwo murëmbë, kubha atore ghugharuka ghokoone, gho kubha eni nekomughanya haghirohamu na abhakumi bhaghëndi bhiito.

Abharuumi 15:24

Gho ghayo, neghwitëngʼëra kobhataarera na ghwikara haghirohamu na niinyu kwo riibhagha ighuhe, hano neekubha neraheta ghuye mo‑se e Hisibhaaniya. Neghusabha muuhë obhotoorereri bho koohiki Hisibhaaniya.

Amaköri gha Bhatomu 21:5

Koru hangʼu, hano tumariri chaasiko chiyo, toghatanura. Abhakirisito bhoose bha hayo Tiiro bhaghatuhërëëkërëra, abhasubhe na abhakari bhaabho, na abhaana, mbagha anche e moghya uyo bhaghatohiki rubhareka ro nyancha. Hayo haghuhe na anyancha iyo tokahighama, toghasabha Eryobha.

Ruuka 14:3

Yesu akabhabhoori Amabharisaayo, na abheeghi bha meghiro, akabhugha, “Kana, ntoghwisherereru ne emeghiro ghiito kuhöri abhaato orosiko ro Riikane, ghasi tiyaanyi?”

Ruuka 11:52

“Horeera mokorighi, inyu abheeghi bha meghiro, gho kubha moribhiri anchëra ino abhaato bhangamënyiri Eryobha, na niinyu abheene, motaaghusöha‑ho. Wiiki bhaare ꞉bhaare bharëënda ghusöha‑mu, ˆmokabharëki.”

Ruuka 11:45

Omooto umu, mo‑bheeghi bha meghiro ghe Musa akamugharokeri Yesu akabhugha, “Omweghi, hano ukobhugha amangʼana ghayo, noghotuchöngëra wiiki na niitu.”

Ruuka 10:25

Orosiko rumu, omweghi umu o meghiro ghe Musa akiimeerera, akamobhoori Yesu eribhoori gho komusaki, akamobhoorera akabhugha, “Oo Omweghi, nikörë ke, kubha mo‑rosiko ro ntenero nibhönë obhuhöru bho miishe ghyose?”

Ruuka 7:30

Amare Amabharisaayo na abheeghi bha meghiro, ibho bhakaanga ghano Eryobha rëbhëëndiire, gho kubha ꞉mbaangiri kubhatiisu na Yohana.

Amaköri gha Bhatomu 15:3

Mbe, niho abhaato bhayo bha mo‑kanisa e Antiyokiya bhakabharagha. Ibheere Bhawuro na abhaghëndi bhayo bhakaheta mo‑mikööwa ghe Bhoyinike na Samaariya, bhaakabha bharabhabhoorera kinya abhaato bha matöngö bhamokumiri Yesu. Angʼana iyo ekabhategheri chwee Abhakirisito abhaghëndi bhaabho bhoose bha iyo.

Amaköri gha Bhatomu 19:1

Eriibhagha rino Abhooro are hayo Korinto, Bhawuro nawe akabha araheta mo‑meghya ghe mo‑bheghoro, akahiringitera mo‑moghya o Ebheeso. Hano are hayo, aghatëmëërana na Abhakirisito abhande,

1 Abhakorinto 16:12

Ibheere, ighoro e mokumi mughëndi wiito Abhooro, nemusasaamiri chwee kubha ache bhowaanyu haghirohamu na abhakumi abhande. Amare iwe tasiighiri inkongʼorimu kuucha ibheere. Nakuucha eriibhagha rino akubhöna omweya.