Eriibhagha riyo, Bhawuro naare araköra orughëndö haghirohamu na Sobhateeri mwërëëti o Bhiiro o mo‑moghya o Bherooya, haghirohamu na abhaato bhabhere bha Tesaronike, Arisitaariko na Sekundo, Ghaayo o mo‑moghya o Teeribhe, na Timotewo, na abhaato bhabhere bha Asiya, Tikiko na Torobhiimo.
Ibheere, ukörë bhwango uche ino eriibhagha re nyighita rekeere kohika. Ewubhuro, na Bhute, na Riino, na Kirawutiya, haghirohamu na abhakumi abhande bhoose, mbaghoghukëëri.
Tikiko, omohiiri wiito omosiighani no omutamishi omuhëënë o Mutëmi Yesu, nakobhabhoorera amangʼana ghoose, kubha mumënyë kinya nekwëndërëra na kino neghuköra.