Tiito 3:1 - Eriiraghano Eriihë

¹ Ubhe orabhahiiti abhaato kubha, bhabhasooke na kobhoghwera abhakangati na bhano bhaanyi no obhotoro. Bhabhe bhiisëëmiri ghuköra angʼana yoyoose anchömu.

Tiito 3:1 Referans Kwoze

Mataayo 22:21

Ibho bhaghagharokeri bhakabhugha, “M‑bhe Kayisaari.” Yesu akabhabhoorera akabhugha, “Mbe, momuhë Kayisaari bhino bheenyi bhe Kayisaari, wiiki morihë Eryobha bhino bheenyi bhe Ryobha.”

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

2 Timotewo 2:21

Ibheere, omooto ariiyeri gho ghotigha obhobhe bhuyo bhoose, naakubha kinya egheghiro ghe sooko kino kyahwiru. Naakubha arëngʼaaniire mo‑Mutëmi waache, naakubha isëëmiri mo‑meremo ghyose emichömu.

2 Timotewo 1:6

Gho ghiri iyo, neghokohiiti kubha, wiköngʼi kuhökëri ekihaano kino Eryobha ꞉reekoheere hano neghotooriire amabhökö.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

1 Timotewo 4:6

Orabheeghi abhahiiri bhiito bhoose amangʼana ghayo, niho okubha omutamishi omuhöriicho o Kirisito Yesu. Wiiki nookubha orarëru bhoheene mo‑bhuhëënë bho bhokumi bhwito na mo‑meeghi amachömu ghano iye oghutambana.

1 Timotewo 2:2

Mokwëndëru kobhasabhera abhatëmi na abhande bhoose bhano bhaanyi mo‑bhukangati, kubha tumanye kwo murëmbë, torisëngërë Eryobha na ghuköra ghano ghakwëndëru ambërë yaache.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

2 Bheetero 1:12

Gho ghayo, nekwëndërëra kobhahiiti amangʼana ghayo kimu, nangabha mumariri ghoghamënya na muköngʼiiri mo‑bhuhëënë bhuno mweghiri.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Yuuta 1:5

Nangabha mweche bhoheene ghayo ghoose, nekwënda kobhahiiti kubha, Omutëmi Waryobha ꞉naabhatooriri Abhiisiraeri koru mo‑se e Miisiri hano ꞉bhaare bharanyaakibhu, amare akamara akabhasireekereri bhoose bhano ꞉bhaangiri komokumi.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

2 Timotewo 2:14

Obhahiiti abhakumi amangʼana ghayo, na kobhashaangʼi ambërë e Ryobha, bhatighe kuhakaana ighoro e mangʼana amasuuhusuuhu. Okuhakaana kuyo ghotaanyi no obhwëra, amare ngoghusari bhano bhakobhatëghëërëra.

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.