Tiito 2:5 - Eriiraghano Eriihë

⁵ Wiiki, bhabhe ne ekirëngërë, na bhaghöröröku, bhakörë bhoheene emeremo mo‑chanyumba cheebho, na bhabhe abhaato abhahöriicho, na bhano bhaghosooka abhasubhe bhaabho. Obhabhoorere bhakörë hangʼu, kubha Angʼana e Ryobha etataraahu.

Tiito 2:5 Referans Kwoze

Abhakorosaayi 3:18

Inyu abhakari, mubhe morabhasooka abhasubhe bhaanyu kinya ekwëndëru mo‑bhaato bhano bhamokumi Omutëmi Yesu.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

Abhaebheeso 5:33

Amare na niinyu bhoose ˆnekabhabhoorera kubha, omooto woose amosiighe omukari waache kinya bhuno isiighiri omwene. No omokari woose, atatigha komosooka omosubhe waache.

Amaköri gha Bhatomu 9:36

Mo‑moghya o Yoobha naare‑ho omukari umu omughëndi o Yesu, eriina reeche Tabhiita. (Na mo‑ghighambo ghe Keyunaani, eriina riyo n‑Torikaasi, egheteemoro keeche n‑asuma.) Torikaasi uyo naare arabhasakeri abhahabhe, akabha araköra amaköri amachömu.

1 Timotewo 6:1

Abhasësë bhoose abhakumi, bhabhasooke abhantomonkoro bhaabho, kubha eriina re Ryobha na ameeghi ghiito ghatataraahu.

1 Abhakorinto 14:34

Hano mookubha mwikomiine, abhakari bhabhe bhakiriri, gho kubha bhataaghwisherereru ghosiikëra. Bhabhe abhasooku kinya bhuno emeghiro ghe Musa ghekobhugha.

1 Abhakorinto 11:3

Amare ibheere nekwënda mumënyë kubha omutu o mosubhe wowoose uno akumiri, n‑Kirisito, no omutu o mukari, n‑omosubhe waache, no omutu o Kirisito n‑Eryobha.

Abharuumi 2:24

Gho ghayo, n‑kinya bhuno Amandëkö Amatööbhiyu ghakobhugha kubha, “Eriina re Ryobha ndeghotoku na abhaato bha matöngö, gho ghiri e maköri amabhe ghano moghuköra.”

Amaköri gha Bhatomu 9:39

Mbe, Bheetero aghatanura haghirohamu nabho. Hano bhahikiri Yoobha, bhakamohira mo‑kenyumba kiyo. Hano bhahikiri‑mu, abhasino bhaaru bhakamwinaareri bhararera, bhakamwërëki chandachana, na amaghööti ghano Tabhiita are abhatumiire, eriibhagha are akeere anyi muhöru.

Abharuumi 14:16

Egheghiro kino okorighi n‑ghichömu ghokoocho, amare bhaghëndi bhaacho mbakobhugha kubha n‑kebhe, otaghiköra.

Tiito 2:4

Gho ghuköra hangʼu, bhabhe bhareeghi abhasubhaati kubha bhabhasiighe abhasubhe bhaabho na abhaana bhaabho.