Tiito 2:2 - Eriiraghano Eriihë

² Obhabhoorere abhagharuka bha ghesubhe, bhabhe ne ekirëngërë, na asooko, na amangʼiini, bhabhe abhahëënë mo‑bhokumi, na mo‑bhosiighi na mo‑bhoghumereri.

Tiito 2:2 Referans Kwoze

Abhagharatiya 5:23

no obhuhörëëru ne ekirëngërë. Toonyi‑ho omoghiro uno okwanga omooto ataköra amangʼana ghayo.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

1 Timotewo 3:11

Abhakari bhaabho nabho, bhabhe bhano bhaanyi na atëëmö inchömu, bhatabha abhitaamereri bha bhaato, bhabhe ne ekirëngërë, wiiki bhabhe abhahëënë mo‑mangʼana ghoose.

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

Tiito 1:13

Amangʼana ghayo n‑gha mahëënë. Gho ghayo, ubhe orabhashaangʼi chwee abhaato bhayo, kubha bhaghöötë ameeghi gha bhuhëënë.

1 Timotewo 3:2

Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.

1 Abhatesaronike 5:8

Amare itu, gho kubha ntoonyi abhaato bha mwishe, tubhe ne ekirëngërë. Tubhe no obhokumi no obhosiighi, bhiyo mbeekubha kinya angubha mo‑ghekubha. Wiiki toriitëngʼërë Eryobha ghototoori, niho tookubha kinya tobheekiri eriihima re kyoma a‑mutu.

Abharuumi 12:3

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.

1 Bheetero 1:13

Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

1 Abhakorinto 15:34

Musëëmë kuhökëri obhongo bhoonyu wiiki kinya bhuno mokwëndëru, na ghotigha ghuköra amasari, gho kubha abhamu ghate yaanyu bhataryeche Eryobha. Neghosiikëra ghayo, kubha nebhasooki.

2 Bheetero 1:6

Wiiki obhumënyi bhuyo bhwëngëru ghwikangata, na ghwikangata kuyo kwëngëru obhoghumereri, no obhoghumereri bhuyo bhwëngëru ghuköra ghano ghakwëndëru ambërë e Ryobha.

Tiito 2:7

Iye woose, mo‑mangʼana ghaacho ghoose, ubhe eghetuubhaani ghe kweghu gho ghuköra amachömu. Mo‑meeghi ghaacho, wërëki asooko no obhuhëënë.

Tiito 1:8

Nakwëndëru abhe omooto uno asiighiri ghughënëhi abhaato, na abhe omooto uno asiighiri amachömu, na uno anyi ne ekirëngërë, no omuhëënë, na mutööbhiyu, na uno aghotora ghwikangata.

1 Timotewo 3:4

Abhe omooto uno akwimeererera bhoheene aka yaache, omooto uno eche kweghi abhaana atëëmö e komosooka.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

2 Abhakorinto 5:13

Inyu mokorighi hande abhe m‑bhachuuru toonyi. Aribha hëënë hangʼu toonyi, mbe, n‑gho ghiri e Ryobha, amare aribha tokorighibhu kubha ntoonyi no obhongo, hayo hangʼu toonyi gho ghiri yaanyu.

1 Abhakorinto 9:25

Bhano bhaghokindana mo‑riibhina, mbahihööchërëra mo‑maaru gho ghiri e ghokindana. Mbaghuköra hangʼu kubha bhasongʼaane atuho ino eghusarëka. Amare itu ntoghuköra hangʼu, kubha tubhönë atuho ino etaaghusarëka.

Amaköri gha Bhatomu 24:25

Akëëndërëra kobhabhoorera ghoose ghano ghakwëndëru ghuköra ambërë e Ryobha, na kinya bhuure abhaato bhakwëndëru kwihööchërëra mo‑mabhe, na kebhuno Eryobha reghotenera ekiina abhaato. Bheriki hano oghwire ghayo, aghatiina chwee. Akamobhoorera Bhawuro akabhugha, “Kwi ibheere noghotora ghuye. Neghokobherekera wiiki hano nekubhöna omweya.”

Ruuka 8:35

Bhakamara abhaato bhaaghaye korighi amangʼana ghayo kinya ghaanyi. Hano bhahikiri o‑Yesu, bhakamorighi omooto uno emisambu ghemoruure. Naare ikeere haghuhe na amaghoro gha Yesu, abheekiri changibho, naare na amangʼiini ghaache bhoheene. Abhaato bhayo, bhaghaghöötu no obhotiini.

Maariko 5:15

Hano bhahikiri o‑Yesu, bhaghatiina chwee komorighi omooto uno are ne emisambu, uno are ariibherekera abhakëëya ikeere, abheekiri amaghööti, wiiki anyi no obhongo bhooche bhoheene!

1 Timotewo 3:8

Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

1 Timotewo 1:2

ˆNeghakwandëkëra iye Timotewo, omoona waane o muhëënë mo‑bhokumi. Neghokwëndëra ghareeya, ne ebheghongi no omurëmbë koru kwo Waryobha Taata na gho Kirisito Yesu, Omutëmi wiito, ghibhe haghirohamu na niiye.

1 Timotewo 1:10

na kwo bhataari na kwo bhasubhe bhano bhakomisi na abhasubhe abhaghëndi bhaabho, na kwo bhano bhakobhuumara abhaato na kobhaghööta na kobhaghori kubha abhasësë, na abharöngö, na kwo bhano bhakuraheri kwo bhuröngö. Emeghiro ngetooruru kwo mangʼana ghoose ghano ghataakoghwana na ameeghi gha bhuhëënë.

1 Timotewo 1:14

Mahëënë Omutëmi wiito Kirisito Yesu ꞉naansakiiri aghareeya yaache kwo bhwaru, gho kuuha obhokumi no obhosiighi gho ghughöötana nawe.

1 Timotewo 5:1

Otareghesi abhagharuka, amare obharwache kinya okorwacha iso. Abhabhureni obharwache kinya bhaömöönyu,

Bhiremooni 1:9

Amare, gho ghiri e bhosiighi nerooche m‑bhoheene konga neghusabhe, eni Bhawuro uno neenyi omugharuka, no omubhöhu gho ghiri e Kirisito Yesu.