Tiito 1:9 - Eriiraghano Eriihë

⁹ Abhe araghööta bhoheene angʼana e bhuhëënë ighoro e Yesu Kirisito, kinya eghuru. Hayo niho aghotora ghuköngʼi abhaato mo‑meeghi gha bhuhëënë, na ghokinda bhano bhakwanga ameeghi ghayo.

Tiito 1:9 Referans Kwoze

2 Abhatesaronike 2:15

Ibheere abhahiiri bhiito, mwimeerere muköngʼëri na ghughööta ameeghi ghano mobhwine kohetera mo‑mangʼana ghiito ghano ꞉toobharaghaniiri, hamu koru mo‑nyaarubha yiito ino ꞉toobhaandëkiire.

2 Timotewo 1:13

Ughöötë bhoheene ameeghi gha bhuhëënë ghano ꞉neekweghiri. Ogheeghi ghayo na usaaghe no obhokumi no obhosiighi bhuno bhokubhönëka gho komokumi Kirisito Yesu.

1 Timotewo 6:3

Mbaanyi‑ho abhaato bhano bhakweghi ameeghi gha bhuröngö. Mbakweghi ghano ghataaghwishererani na ameeghi gha bhuhëënë gha Mutëmi wiito Yesu Kirisito, wiiki ghataaghwishererani na ameeghi ghano ghakwërëkërëri abhaato korisëngëra Eryobha.

1 Timotewo 1:10

na kwo bhataari na kwo bhasubhe bhano bhakomisi na abhasubhe abhaghëndi bhaabho, na kwo bhano bhakobhuumara abhaato na kobhaghööta na kobhaghori kubha abhasësë, na abharöngö, na kwo bhano bhakuraheri kwo bhuröngö. Emeghiro ngetooruru kwo mangʼana ghoose ghano ghataakoghwana na ameeghi gha bhuhëënë.

Obhohunyurëru 3:3

Mohiite ghano mweghuru na ghano mooghwire, moghatambane bhoheene ghayo na motuukuune. Moraanga ghutënga, nekuucha kinya bhuure omwibhi ahaacha, koru motaakumënya eriibhagha rino nekuucha.

1 Timotewo 1:15

Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.

Tiito 2:1

Amare iye Tiito, ubhe oreeghi abhaato kurëngʼaana na ameeghi gha bhuhëënë.

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

2 Timotewo 4:3

ˆNeghakobhoorera hangʼu, gho kubha ndekuucha eriibhagha rino abhaato bhataakubha bharatëghëërëra ameeghi gha bhuhëënë. Mbakwënda ghutambana amiigha ghaabho abheene, na gho ghayo mbakwiyaahurera abheeghi bhaaru gho kubha mbasiighiri ghutëghëërëra amangʼana aghande ghande amahë.

1 Abhatesaronike 5:21

amare moghasaki amangʼana ghoose gha bhurööti na ghughööta ghano ghaanyi machömu,

Obhohunyurëru 3:11

Nekuucha ibheerebheere! Moghaghöötërërë bhoheene amachömu ghayo moonyi nagho, kubha omooto ataacha kobhahöka atuho yaanyu.

Obhohunyurëru 2:25

Amare moghaghöötërërë bhoheene amachömu ghayo moonyi nagho mbagha hano nekuucha.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.

2 Timotewo 2:25

Nakwëndëru abhe arabhakaariha abhaato bhano bhakuhakaana nawe kwo bhuhörëëru, kubha hande abhe hamu, Eryobha rebhahë ghotuukuuna na gho ghayo, bhamënyë obhuhëënë.

2 Timotewo 2:2

Nooghwire ameeghi ghano ꞉nyeeghiri ambërë e bhiibhateri bhaaru. Ibheere iye obhahë abhaato abhahëënë, bhano bhaghotora kweghi abhande.

1 Timotewo 4:9

Angʼana iyo n‑e hëënë, wiiki abhaato mbakwëndëru bhayiishereri.

1 Timotewo 1:19

Gho ghayo, ughöötërërë obhokumi na kubha no omotema omuchömu. Abhaato abhande bhatatereeriri ghuköra ghaare bheeche kubha n‑gha hëënë, ghayo ngabhaköriri bhasari obhokumi bhoobho.

Amaköri gha Bhatomu 18:28

Abhooro naare arabhakinda Abhayahuuti ambërë e bhaato kwo bhosubhesubhe, gho köbhëërëki bhoheene mo‑Mandëkö Amatööbhiyu kubha Yesu niwe Kirisito.

1 Abhakorinto 14:24

Amare bhoose bhararuusi obhurööti, aramara asöhë omooto uno ataanyi ne ekihaano ghe kumënya ebhighambo ebhihë, hamu uno ataaghokumi, ghano akooghu koru kwo bhoose ngaghughëri amënyë obhobhe bhooche. Wiiki ghano akooghu ngakomotenera ekiina.

2 Timotewo 3:14

Amare iye, noonyi no obhuhëënë kubha amangʼana ghano weghuru n‑gha mahëënë. Ibheere uköngʼëri mo‑ghayo, gho kubha weeche bhano ꞉bhaakweghiri.