Tiito 1:8 - Eriiraghano Eriihë

⁸ Nakwëndëru abhe omooto uno asiighiri ghughënëhi abhaato, na abhe omooto uno asiighiri amachömu, na uno anyi ne ekirëngërë, no omuhëënë, na mutööbhiyu, na uno aghotora ghwikangata.

Tiito 1:8 Referans Kwoze

1 Timotewo 3:2

Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.

Tiito 2:7

Iye woose, mo‑mangʼana ghaacho ghoose, ubhe eghetuubhaani ghe kweghu gho ghuköra amachömu. Mo‑meeghi ghaacho, wërëki asooko no obhuhëënë.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

1 Abhatesaronike 2:10

Inyu n‑abhiibhateri bhiito ne Eryobha ryose, kubha atëëmö yiito ghokoonyu bhano momokumiri Yesu, neere inchömu wiiki e mahëënë etaanyi ni isörö.

2 Timotewo 3:3

Wiiki, bhataanyi no obhosiighi no omooto wowoose, na bhataakwënda koghwana, mbaakubha abhari bha bhaato, na bhataakubha ne ekirëngërë, na mbaakubha bhahaari, na bhataaghosiigha amachömu.

2 Timotewo 2:22

Ungʼösë amiigha gha bhobhureni, wiköngʼi ghutambana ghano Eryobha rekwënda, ubhe no obhokumi, no obhosiighi no omurëmbë. Ughöötërërë ghayo, haghirohamu na bhoose bhano bhakomusabha Omutëmi kwo mukörö mwero.

Ruuka 2:25

Hayo Yerusareemu, naare‑ho omooto umu, eriina reeche Simiyooni. Simiyooni uyo naare muhëënë ambërë e Ryobha araresooka, ino araghanya korighi ghotooribhu kwo Abhiisiraeri. Akörö Ahörëëru neere haghirohamu nawe.

Amaköri gha Bhatomu 24:25

Akëëndërëra kobhabhoorera ghoose ghano ghakwëndëru ghuköra ambërë e Ryobha, na kinya bhuure abhaato bhakwëndëru kwihööchërëra mo‑mabhe, na kebhuno Eryobha reghotenera ekiina abhaato. Bheriki hano oghwire ghayo, aghatiina chwee. Akamobhoorera Bhawuro akabhugha, “Kwi ibheere noghotora ghuye. Neghokobherekera wiiki hano nekubhöna omweya.”