Ruuka 9:5 - Eriiraghano Eriihë

⁵ Wiiki aka yoyoose ino abhaato bhaache bhataakobhaghënëhi, mohoroke‑mu, mwikongʼoote orotu runo roonyi mo‑maghoro ghaanyu. Gho ghuköra hangʼu, ibhe obhwibhateri ghokoobho, kubha Eryobha ˆrekabhaanga.”

Ruuka 9:5 Referans Kwoze

Amaköri gha Bhatomu 18:6

Abhayahuuti bhayo bhaghasëëma komwanga na komotoka. Eghaghëri aghakongʼoota amaghööti ghaache ambërë yaabho, arabhabhoorera, “Amasaahë ghaanyu ngaakubha ighoro yaanyu inyu bheene! Eni teenyi‑ho ngʼana ino nekobhooribhu ighoro yaanyu korwera ibheere, neekubha neraghe mo‑bhaato bha matöngö aghande.”

Amaköri gha Bhatomu 13:51

Niho Bhawuro na Bharinaabha bhaghakongʼoota orotu koru mo‑maghoro ghaabho kwërëki kubha Eryobha ndebhaangiri abhaato bhayo, bhaaghaye mo‑moghya o Ikoniyo.

Maariko 6:11

Wiiki, hohoose hano bhataakobhasongʼaana hamu kobhatëghëërëra, hano moghutanura, mwikongʼoote orotu runo roonyi mo‑maghoro ghaanyu, ibhe obhwibhateri ghokoobho, kubha Eryobha ˆrekabhaanga.”

Ruuka 10:16

Akamara, Yesu akabhabhoorera abhaanabheegha bhaache akabhugha, “Omooto uno akobhatëghëërëra inyu, nantëghëëriire koru eni. Omooto uno akobhaanga inyu, koru eni nanyangiri. Wiiki uyo akonyanga eni, nakomwanga koru uno antomiri.”

Ruuka 9:48

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”

Maariko 9:37

“Omooto wowoose uno aghughënëhi omoona omosuuhu kinya uno kwo riina reene, naakubha angënëhiri eni. Wiiki, omooto wowoose uno aghungënëhi eni, tangënëhiri eni omwene. Mahëënë naakubha aghënëhiri Taata uno antomiri.”

Ruuka 5:14

Yesu akamobhoorera akabhugha, “Otabhoorera omooto wowoose ghano gharweriire! Amare, nooghi wiyërëkani mo‑muchaama kubha nuhöriri na koruusi amaruusi kinya emeghiro ghe Musa ghekwërëkërëri, kwërëki kubha nuhöriri.”

Mataayo 10:18

Mbakobhahira ambërë e bhakangati na abhatëmi bha mo‑se ino gho ghiri yaane, kubha mubhe abhiibhateri bhaane ambërë yaabho na ambërë e bhaato bha matöngö.

Ruuka 9:4

“Wiiki aka yoyoose ino moghusöha, mwikare muyo, mbagha orosiko ruure mookoru mo‑kyaro kiyo.