Ruuka 8:2 - Eriiraghano Eriihë

² Wiiki naare na abhakari abhande bhano are ahöriri amabhabharu ghaabho na kobharuusi emisambu. Mo‑bhayo, naare‑mu Mariyamu o kyaro ke Maghitara, uno Yesu are amoruusiri emisambu mohungate.

Ruuka 8:2 Referans Kwoze

Maariko 16:9

Hano Yesu aryokiri mo‑rungʼöörö orosiko o rumbërë ro wiiki, akiyëërëkani singa o Mariyamu o Maghitara, uno are amoruusiri emisambu mohungate.

Yohana 19:25

Mbaare‑ho abhakari abhande bhano ꞉bhaare bhiimeeriire haghuhe no omusarabha o Yesu. Mo‑bhakari bhayo naare‑ho nyina Yesu, na nyina monyi Yesu, na Mariyamu omukari o Kiroobha, na Mariyamu o Maghitara.

Amaköri gha Bhatomu 1:14

Bhano bhoose mbaare bhiikomiine kwo mukörö umu ghusabha Eryobha, haghirohamu na Mariyamu nyina Yesu, na abhakari abhande, na bhaömööbhö Yesu.

Ruuka 23:55

Abhakari bhano ꞉bhiichiri haghirohamu na Yesu koru Ghariraaya, bhakamoru anyuma Yusubhu. Bhakayerighi ambeehera iyo, na kebhuno erihundughu re Yesu riraariru‑mu.

Ruuka 23:49

Bhoose bhano ꞉bhaare bhamweche Yesu, mbaare bhiimeeriire kurë hasuuhu, bharamööhërëri ghano ghaghuköru. Mo‑bhayo, mbaare‑mu abhakari bhano ꞉bhaamoruure anyuma koru mo‑mukööwa o Ghariraaya.

Ruuka 23:27

Abhaato bhaaru bhakamoru anyuma Yesu. Ghate yaabho, mbaare‑mu abhakari bhano ꞉bhaare bharamorerera kwo macheeche.

Ruuka 8:30

Yesu akamobhoori akabhugha, “Eriina reecho niiye we?” Iwe akamugharokeri akabhugha, “Eriina reene, n‑Abhakëëya.” ꞉Naabhughiri hangʼu, gho kubha emisambu myaru, ngeere ghemusöhëriire.

Maariko 16:1

Hano orosiko ro Riikane rohetiri, Mariyamu o koru mo‑moghya o Maghitara, na Saroome, na Mariyamu nyina waache Yakobho omonyi o Yoose, bhaghaghora amaghuta gha keneeso ghichömu, kubha bhaghi bhahake erihundughu re Yesu.

Mataayo 4:24

Mbe, amangʼana ghaache ghaghasancha chwee mo‑chambaara choose che mukööwa o Siiriya. Abhaato bhakahira abhabhabharu bhoose bha mashaagha haghare haghare. Ghate yaabho, mbaare‑mu abhabhabharu chwee, bhano bhaghööturu ne emisambu, na bhano ꞉bhaare na amarimo, na bhano ꞉bhaare bhakuure eribhaara. Yesu akabhahöri bhayo bhoose.