Ruuka 4:7 - Eriiraghano Eriihë

⁷ Ibheere, iye oriishereri ghunsëngëra, neghokuha bhyose bhino.”

Ruuka 4:7 Referans Kwoze

Ruuka 8:28

Hano amorooche Yesu, aghaköra eriireghe, akiirëkëra haase ambërë yaache, aghasiikëra kwo riiraka ikoro akabhugha, “Neke okwënda ghokoone, iye Yesu Omoona o Ryobha Omokoro o Bhyose? Neghusabha otaanyaaki.”

Obhohunyurëru 22:8

Eni Yohana ꞉neerooche na kooghu amangʼana ghayo eni mwene. Hano negharooche na ghoghooghu, neghagho kebhuuma ambërë e marayika uno anyëërëkiri amangʼana ghayo, kubha nemusëngërë.

Obhohunyurëru 5:8

Hano akiimokiri eghitabhu kiyo, ebhetyenyi bhiire na abhagharuka bhaare bhaaghagho kebhuuma ambërë yaache. Omooto woose naare ne eritingo na ebhetibha bhe sahaabhu bhiichwire ebheneeso. Ebheneeso bhiyo nigho amasabhi gha bhatööbhiyu.

Obhohunyurëru 4:10

Eriibhagha ryose Eryobha ndeere reraghongibhu ne ebhetyenyi bhiire, abhagharuka miröngö ebhere na bhane bhayo, mbaare bharagho kebhuuma ambërë e uno ikeere mo‑ghetumbe ghe ghitëmi na komusëngëra uno amanyiri emiishe ghyose. Ibho mbaare bharatoora chahuuru cheebho ambërë e ghetumbe ghe ghitëmi bharabhugha kubha,

Ruuka 17:16

Hano ahikiri, akiirëkëra kebhuuma mo‑maghoro gha Yesu, ino aramobhoorera ˆoghachömi. Omooto uyo, n‑Omusamaariya are.

Mataayo 2:11

Mbe, bhaghasöha mo‑nyumba, bhakamorighi omoona haghirohamu na Mariyamu nyina waache, bhakiihiinya mbagha haase, bhakamusëngëra omoona uyo. Bhaghasaasura emerigho gheebho, bhakamoruuseri chaatuho che sahaabhu, ne ebheneeso na manemane.

Ruuka 4:6

Rekamobhoorera rekabhugha, “Neghokuha obhukangati bho bhino bhyose, haghirohamu no obhwame bhooche bhoose. Wiiki, gho kubha neenyi no obhotoro bho bhino bhyose, nëngënda komuha omooto wowoose uno nekwënda, nekomuha.

Ruuka 4:8

Yesu akarigharokeri akabhugha, “Yandëkuru mo‑Mandëkö Amatööbhiyu kubha, ‘Nekwëndëru omusëngëra Omutëmi Waryobha waacho, no omuhökëri iwe omwene chiri.’”