Ruuka 20:1 - Eriiraghano Eriihë

¹ Orosiko rumu hano Yesu are areeghi abhaato Mwisëngërö na kobharaghaneri Angʼana Anchömu e Ryobha, niho abhakoro bha bhachaama, na abheeghi bha meghiro, na abhagharuka bha Bhayahuuti bhakamusëëta.

Ruuka 20:1 Referans Kwoze

Amaköri gha Bhatomu 6:12

Hano bhasiikiire amangʼana ghayo, ghakabhaseeghereri chwee abhaato, haghirohamu na abhagharuka bha Bhayahuuti na abheeghi bha meghiro. Abhaato bhayo bhoose bhakamughööta Siteebhano, bhakamohira mo‑riibharacha eriikoro re Bhayahuuti.

Amaköri gha Bhatomu 4:1

Hano Bheetero na Yohana ꞉bhaare bhakeere bharasiikëra na abhaato bhayo, abhachaama, na Amasatukaayo, no omokoro o bhachongi bha Risëngërö bhakabhasëëta.

Yohana 18:20

Yesu akamugharokeri akabhugha, “Eriibhagha ryose neere nerasiikëra na abhaato haheero, neere nereeghi abhaato mo‑risinaghooghi na mo‑riigho re Risëngërö rino Abhayahuuti bhaaru bhahaatëmëërana‑mu. Ntyeghiri ameeghi ghaane gho kobhisa.

Ruuka 8:1

Achekumara ghayo, Yesu akabha arahetera mo‑meghya na mo‑bhyaro. Naare araraghaneri abhaato bha se iyo yoose, Angʼana Anchömu e bhutëmi bho Ryobha. Naare haghirohamu na abhaanabheegha bhaache ikomi na bhabhere.

Mataayo 26:55

Niho Yesu akarebhoorera erikinda re bhaato bhayo akabhugha, “Kana, mwichiri ne emehyo na charungu ghungööta eni kinya erinyangara? Chaasiko choose neere nereeghi Mwisëngërö, amare motangöötiri!

Ruuka 20:2

Hano bhahikiri bhakamobhoori bhakabhugha, “Notobhoorere, ghano iye oghuköra, noghuköra kwo bhotoro bhwa we? Na n‑niwe uno akoheere obhotoro bhuno?”