Ruuka 2:7 - Eriiraghano Eriihë

⁷ Akiibhora omoona o kebhureni omutange waache, akamokundekeri changibho. Akamuraari mwitore, gho kubha, bhataabhwine omweya mo‑chanyumba che bhaghëni.

Ruuka 2:7 Referans Kwoze

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Mataayo 1:25

amare taamisiri nawe mbagha hano Mariyamu ꞉ibhwire omoona uyo o ghesubhe. Yusubhu akamoroka omoona uyo Yesu.

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Mataayo 13:55

Kana, uno taanyi omoona o murandi o chambaawe? Kana, eriina re nyina waache taanyi Mariyamu? Kana, bhaömööbhö taanyi bha Yakobho, na Yusubhu, na Simiyooni na Yuuta?

Ruuka 10:34

Akamwishukerera, akamuraghura amaghaati ghaache gho komuhaka amaghuta na adivaayi, na aghaghabhöha amaghaati ghayo. Akamara akamotiiri ighoro e tikere yaache, akamohira mo‑nyumba e bhaghëni, akabha aramuraghura.

Ruuka 2:6

Eriibhagha bhaanyi iyo, okwibhora kooche ghokahika.

Ruuka 2:8

Haghuhe no omoghya uyo, mbaare‑ho abhariishi ꞉bhaare bharachonga chaatugho cheebho obhotiko.