Ruuka 13:11 - Eriiraghano Eriihë

¹¹ Muyo, naare‑mu omukari umu, uno are aghööturu no omusambu kwo emeeka ikomi ne enaane. Omusambu uyo, ꞉noomokumbiri omughöngö, na taatoriri ghughöröröka koru hasuuhu.

Ruuka 13:11 Referans Kwoze

Ruuka 8:2

Wiiki naare na abhakari abhande bhano are ahöriri amabhabharu ghaabho na kobharuusi emisambu. Mo‑bhayo, naare‑mu Mariyamu o kyaro ke Maghitara, uno Yesu are amoruusiri emisambu mohungate.

Ruuka 13:16

Kana omukari uno, o mo‑rwibhoro ro Abhurahamu, namariri kinya emeeka ikomi ne enaane anyi no obhubhabharu bhooche bhuno Erishambu reere remubhöhiri. Mbe, uyo woose, taakurëngʼaanera asaasoru koru mo‑bhubhabharu nangabha roonyi orosiko ro Riikane?”

Ruuka 8:27

Hano bhiikiri rubhareka ro nyancha iyo, bhaghatëmëërana no omooto umu o moghya uyo, uno are ne emisambu. Omooto uyo, gho chaasiko chaaru taare ariikara aka, amare naare ariikara mo‑chambeehera. Mo‑chaasiko chiyo choose, naare araghënda kingʼaabhi.

Amaköri gha Bhatomu 4:22

Omooto uno ahöruru, n‑omubhëëru are korwera kwibhoru kooche, naare ne emeeka kinya miröngö ene no obhusaagho.

Ruuka 8:43

Ghate e bhaato bhayo, naare‑mu omukari uno are no obhubhabharu bho koru amasaahë kwo meeka ikomi ne ebhere. [Wiiki naare amariri ghusari ebheghiro bheeche bhyose gho kobhaha abhaghabho.] Taare‑ho koru omooto uno atoriri komuhöriri.

Maariko 9:21

Yesu akamobhoori ishe omoona akabhugha, “Anyaako ino niisëëmiri korwera nyingake?” Ishe akamugharokeri akabhugha, “Korwera bhoona bhooche.

Amaköri gha Bhatomu 3:2

Mwisëngërö hayo, haghuhe ne ekehita kino ghekobherekeru Eghichömu, naare‑ho omooto uno are omubhëëru korwera kwibhoru kooche. Chaasiko choose naare ararëëtu na abhaato na ghotooru haghuhe ne ekehita kiyo, kubha asabhe chambiiri kwo bhaato bhano ꞉bhaare bharasöha Mwisëngërö.

Mataayo 4:23

Yesu ꞉niinaariri Ghariraaya yoose, areeghi mo‑masinaghooghi ghaabho, na kuraghani Angʼana Anchömu e bhutëmi bho Mwishaaro, na kobhahöri amabhabharu ghaabho ghoose.

Ruuka 13:12

Hano Yesu amorooche, akamobherekera ache ghokooche, akamobhoorera akabhugha, “Yiima, obhubhabharu bhoocho bhookahöra, ibheere m‑muhöru onyi!”

Ruuka 21:28

Mbe, amangʼana ghayo hano ghaghusëëmu ghuköru, mwimeerere muköngʼëri, mwitoore omukörö, gho kubha eriibhagha re ghotingoribhu koonyu, ˆreghatingʼi!”