Ruuka 1:6 - Eriiraghano Eriihë

⁶ Bhayo bhabhere mbaare bhahëënë ambërë e Mutëmi Waryobha, na mbaare bharasooka emeghiro gheeche ghyose, na bhataaghitaasiri.

Ruuka 1:6 Referans Kwoze

Abhabhiribhi 2:15

Gho ghayo, mubhe abhaana bha Ryobha bhano bhaghörörökiri na bhataanyi ni isörö. Wiiki mubhe abhaato bhano bhataaghughambu kobhe ghateghate e bhaato bhi ibheere bhano bhiichwire amabhe no obhuröngö. Ghateghate e bhaato bhayo, inyu morighibhu kinya emirëngaari ghino ghe kurëngaari mo‑se.

Amaköri gha Bhatomu 24:16

Gho ghayo, neghwiköngʼi chwee kubha no omotema omuchömu, etabha‑ho ngʼana ino eghunkörëra chaasoni ambërë e Ryobha.

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

1 Yohana 2:3

Torasooka emeghiro ghe Ryobha, niho tookubha no obhuhëënë kubha ntomweche.

2 Bheetero 3:14

Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

Abhakorosaayi 1:22

gho nchëra e mobhere o Kirisito, gho ghoku kooche. ꞉Naaköriri hangʼu kubha abharëëtë ambërë yaache moonyi bhatööbhiyu, motaanyi na angʼana koru eriisörö.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

1 Abhakorinto 11:2

Nekobhaghongi gho kubha mohiitiri mo‑mangʼana ghoose, na ghughööta ameeghi ghano ꞉neebhaheere.

Amaköri gha Bhatomu 23:1

Niho Bhawuro akabhoomeri amiisho abhakoro bha riibharacha riyo akabhabhoorera akabhugha, “Oo bhahiiri bhaane, mbagha reero ino neghwiköngʼi chwee kubha no omotema omuchömu, etabha‑ho angʼana ino eghunkörëra chaasoni ambërë e Ryobha.”

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

Ruuka 1:7

Bhayo bhabhere, bhataare no omoona, gho kubha Rusabheeti moghomba are, wiiki mbaare bhakunguhiri chwee.

Ruuka 2:25

Hayo Yerusareemu, naare‑ho omooto umu, eriina reeche Simiyooni. Simiyooni uyo naare muhëënë ambërë e Ryobha araresooka, ino araghanya korighi ghotooribhu kwo Abhiisiraeri. Akörö Ahörëëru neere haghirohamu nawe.

Amaköri gha Bhatomu 2:25

Koru Tawuti ꞉naabhughiri ighoro e Yesu kubha, ‘Nemorooche Omutëmi Waryobha anyi haghirohamu na neeni chaasiko choose. Wiiki gho kubha naanyi haghuhe na neeni, nteeghosingisu.

Amaköri gha Bhatomu 8:21

Iye tughöötë ahaghiro koru omubharo mo‑meremo ghino, gho kubha omotema waacho, toonyi mughöröröku ambërë e Ryobha.

Abharuumi 8:4

Eryobha ꞉ndiiköriri hangʼu, kubha amangʼana ghoose gha bhuhëënë ghano ghakwëndëru mo‑meghiro ghahikeeranu na Yesu gho ghiri yiito. Itu ntoghukangatu na Akörö Ahörëëru, na totaaghukangatu wiiki na simoka yiito e masari.