Obhohunyurëru 9:11 - Eriiraghano Eriihë

¹¹ Ncheere no omutëmi uno are marayika omokoro o rirooma re mashambu. Marayika uyo gho Kebhuraaniya nakobherekeru Abhatooni na gho Keyunaani nakobherekeru Abhoriyooni, egheteemoro keeche “n‑Omosireekereri.”

Obhohunyurëru 9:11 Referans Kwoze

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Yohana 16:11

Naakubha arabhëërëki kubha Eryobha ndekuucha kobhatenera ekiina gho kubha, ndimariri ghotenera ekiina Erishambu omokoro o se ino.

Yohana 14:30

Nteeghotora ghosiikëra na niinyu amangʼana maaru, gho kubha omokoro o se ino akaacha. Amare taanyi no obhotoro ighoro yaane.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Ruuka 8:31

Emisambu ghiyo, ghekamusasaama Yesu gherabhugha, “Otatobhoorera tughëndë mwirooma rino reenyi kurë, mwirooma re mashambu.”

Yohana 5:2

Mo‑moghya uyo, nkeere‑ho ekehita ghekoro kino ghekobherekeru “Ekehita ke Ngʼöndu.” Haghuhe ne ekehita kiyo, ꞉haare ne eriishima rino rebherekiiru mo‑ghighambo ghe Kebhuraaniya, Bhetisaata. ꞉Ngaare‑ho amabhuru ataano ghano ꞉ghaare na chambiro. Amabhuru ghayo ꞉ngiinaariiri eriishima riyo.

Obhohunyurëru 16:16

Mbe, emisambu ghiyo gheghakoma abhatëmi bhoose na abhakëëya bhaabho ahaghiro hano hakobherekeru Harimaghetooni gho Kebhuraaniya.