Obhohunyurëru 8:3 - Eriiraghano Eriihë

³ Marayika owonde akaacha, akiimeerera ambërë e haghiro ha koruuseri amaruusi. Naare aghöötëriire eghetibha ghe sahaabhu ghe ghoghunderi akorose. Akahaabhu akorose yaaru kubha asangerani na amasabhi gha bhatööbhiyu, ayeruusi ighoro e haghiro ha koruuseri amaruusi gha sahaabhu, hano haanyi ambërë e ghetumbe ghe ghitëmi.

Obhohunyurëru 8:3 Referans Kwoze

Obhohunyurëru 5:8

Hano akiimokiri eghitabhu kiyo, ebhetyenyi bhiire na abhagharuka bhaare bhaaghagho kebhuuma ambërë yaache. Omooto woose naare ne eritingo na ebhetibha bhe sahaabhu bhiichwire ebheneeso. Ebheneeso bhiyo nigho amasabhi gha bhatööbhiyu.

Obhohunyurëru 8:4

Niho eryoki re korose haghirohamu na amasabhi gha bhatööbhiyu bheghatiira ighoro ambërë e Ryobha koru mo‑kubhökö kwo marayika uyo.

Ruuka 1:10

Eriibhagha re ghoghundi akorose, anche ꞉haare hakomiine abhaato bhaaru, bharasabha Eryobha.

Obhohunyurëru 9:13

Akamara, marayika o ghasaasabhe aghatëma antaara yaache. Nekooghu eriiraka koru mo‑chambaara chiire inye che haghiro ha koruuseri amaruusi hano ꞉haaköruru gho sahaabhu hano haanyi ambërë e Ryobha.

Abheebhuraaniya 9:4

Mo‑kenyumba kiyo ꞉haare na ahaghiro ha ghusëngërëra hano haare haabhëkuru gho sahaabhu hano abhachaama ꞉bhaare bharaghunderi‑ho akorose. Wiiki ndeere‑mu Erisandëkö re Riiraghano rino ꞉riihakuru asahaabhu chambaara choose. Mo‑risandëkö riyo ꞉haare na anyongo e sahaabhu, ino ere ne ekiinyakurë kino kebherekiiru mana na ahimbo e Haruuni ino esebhokiri amato. Wiiki mbeere‑mu ebheteneka bhibhere bhe mabhohe bhino ꞉bhyandëkuru emeghiro ghe riiraghano.

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

Obhohunyurëru 7:2

Bhamarayika bhayo mbaare bhahaabhuru obhotoro bho ghusari ase ayoomu na anyancha. Nekamara, nekarighi marayika owonde aratiira ighoro koru roghoro aghëghiri omohuuri o Ryobha rino reenyi ihöru. Aghatiiri eriiraka akabhabhoorera bhamarayika bhayo bhane

Obhohunyurëru 6:9

Mbe, Omoona o Ngʼöndu akanaanura omohuuri o nyaghame o ghataano, nekarighi chaakörö che bhaato cheenyi mwirungu re haghiro ha koruuseri amaruusi. Bhayo n‑chaakörö chiire che bhaato bhano ꞉bhaanunguru emitu gho kuraghani angʼana e Ryobha na koruusi obhwibhateri ighoro e Yesu.

Obhohunyurëru 10:1

Hano ghayo ghahetiri, nekarighi eriirighi erende. ꞉Neerooche marayika owonde uno anyi no obhotoro ariika koru Mwishaaro. Marayika uyo naare akundekiiru na amashaaro, ni ighoro e mutu waache ꞉haare ne eriite re bhaasi. Obhosho bhooche mboore bhorarëngaari kinya eryobha, na amaghoro ghaache ngaare kinya chambiro chino cheghwaka omororo.

Obhohunyurëru 8:5

Akamara, marayika uyo akiimoki eghetibha keeche, aghiichori amakara gha mororo koru ahaghiro ha koruuseri amaruusi, aghagharëkëra mo‑se. Nekarighi orunanehi rorabhari, na nekooghu eriiraka, na haakabha ne ekerighito ghe se.

Obhohunyurëru 14:18

Niho akarwera marayika owonde. Marayika uyo akaru ahaghiro ha koruuseri amaruusi, iwe naare ariimeererera omororo. Aghatiiri eriiraka, akamobhoorera marayika uno anyi ne eriighësö eryeghi akabhugha, “Toora eriighësö reecho eryeghi, onunge ebhisama bhe misabhiibhu ghe se, gho kubha amakorobhese nganöghiri.”