Obhohunyurëru 7:2 - Eriiraghano Eriihë

² Bhamarayika bhayo mbaare bhahaabhuru obhotoro bho ghusari ase ayoomu na anyancha. Nekamara, nekarighi marayika owonde aratiira ighoro koru roghoro aghëghiri omohuuri o Ryobha rino reenyi ihöru. Aghatiiri eriiraka akabhabhoorera bhamarayika bhayo bhane

Obhohunyurëru 7:2 Referans Kwoze

Abhaebheeso 4:30

Motiitumati Akörö Ahörëëru e Ryobha, gho kubha Akörö iyo n‑ekingʼöchö ke Ryobha ghokoonyu kubha inyu n‑abhaato bhaache moonyi, mbagha orosiko runo Eryobha rekuucha kobhatingori.

2 Abhakorinto 1:22

na ghototoorera ekingʼöchö ghe kwërëki kubha itu n‑abhaato bhaache toonyi, gho ghotuha Akörö Ahörëëru mo‑metema ghiito, kubha ibhe ekimanyenkereri ghe kwërëki kubha, ghoose ghano returaghiire ndeghotuha.

Obhohunyurëru 9:4

Changighe chiyo ꞉nchiihatëkuru chetasari amanyaaki hamu amato, hamu emete. Amare chebhanyaaki abhaato bhano bhataare no omohuuri o Ryobha mo‑bhosho bhoobho.

2 Timotewo 2:19

Amare abhaato bhano bhiimeeriire bhaköngʼiiri, n‑kinya obhoroso obhuchömu bhuno bhotooruru ne Eryobha. Ni ighoro e obhoroso bhuyo ꞉ngaandëkuru amangʼana ghano kubha, “Omutëmi Waryobha neeche abhaato bhaache,” wiiki, “Omooto wowoose uno ahaamusabha Omutëmi Waryobha kubha amotoori, atighe ghuköra amabhe.”

Abhaebheeso 1:13

Inyu bhoose abhaato bha matöngö, ꞉muughöötiine na Kirisito hano mooghwire angʼana e hëënë na koyekumi, niyo Angʼana Anchömu e bhotoori bhoonyu. Eryobha ryose gho kwërëki kubha inyu na abhaato bhaache moonyi, rekabhatoorera ekingʼöchö gho kobhaha Akörö Ahörëëru ino ꞉reeturaghiire.

Obhohunyurëru 5:2

Wiiki nekarighi marayika uno anyi na changuru, araraghani kwo riiraka ikoro, arabhugha, “N‑niwe arëngʼaaniire ghoghinaanura emehuuri ghino ghe nyaghame na kohunyura eghitabhu kino?”

Yohana 6:27

Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Obhohunyurëru 1:3

Ngʼoni abhaato bhano bhaghusömëra abhaghëndi bhaabho amangʼana gha bhurööti bhuyo. Eryobha ndekobhiitabheri bhano bhaghoghatëghëërëra na ghoghatambana ghano ghaandëkuru‑mu, gho kubha, eriibhagha re korwera kwo mangʼana ghayo ˆreghatingʼi.

Obhohunyurëru 10:4

Hano ebherumo mohungate bhiyo bhigharokiiri, nëkëënda kwandëka ghano ꞉ghaasiikiiru ne ebherumo, amare nekooghu eriiraka koru Mwishaaro reramboorera rerabhugha, “Amangʼana ghayo gha bherumo, otaghaandëka! N‑ekebhisere!”

Obhohunyurëru 10:1

Hano ghayo ghahetiri, nekarighi eriirighi erende. ꞉Neerooche marayika owonde uno anyi no obhotoro ariika koru Mwishaaro. Marayika uyo naare akundekiiru na amashaaro, ni ighoro e mutu waache ꞉haare ne eriite re bhaasi. Obhosho bhooche mboore bhorarëngaari kinya eryobha, na amaghoro ghaache ngaare kinya chambiro chino cheghwaka omororo.

Obhohunyurëru 8:3

Marayika owonde akaacha, akiimeerera ambërë e haghiro ha koruuseri amaruusi. Naare aghöötëriire eghetibha ghe sahaabhu ghe ghoghunderi akorose. Akahaabhu akorose yaaru kubha asangerani na amasabhi gha bhatööbhiyu, ayeruusi ighoro e haghiro ha koruuseri amaruusi gha sahaabhu, hano haanyi ambërë e ghetumbe ghe ghitëmi.

Abheebhuraaniya 12:22

Amare inyu mohikiri mo‑gheghoro ghe Sayuuni, hano haanyi no omoghya o Yerusareemu e Mwishaaro. Omoghya uyo n‑omoghya o Ryobha rino reenyi ihöru. Mo‑moghya uyo mbiikomiine gho ghuchömëru bhamarayika ebheku ne ebheku.

1 Abhatesaronike 1:9

Hohoose hano tooghuye, abhaato mbaghosiikëra kebhuno ꞉mootughënëhiri eriibhagha ꞉twiichiri bhowaanyu. Mbaghosiikëra kebhuno ꞉mootighiri chasanaamu cheenyu na ghwigharurera Eryobha gho korihökëri rino reenyi ihöru na re mahëënë,

Mataayo 26:63

Amare Yesu tagharokiiri ghyokyose. Niho Omuchaama Omokoro uyo akamobhoorera wiiki akabhugha, “ˆNeghakoriishi ariingʼa kwo riina re Ryobha rino reenyi ihöru, notobhoorere aribha iye niiye Kirisito, Omoona o Ryobha.”

Mataayo 16:16

Simiyooni Bheetero akamugharokeri akabhugha, “Iye niiye Kirisito, Omoona o Ryobha rino reenyi ihöru.”

Obhohunyurëru 9:14

Eriiraka riyo rekamobhoorera marayika uyo o ghasaasabhe uno are aghöötëriire antaara, rerabhugha, “Nobhiighorere bhamarayika bhayo bhane bhano bhabhöhuru rubhareka ro rooche orokoro ro Ebhuraati.”

Obhohunyurëru 16:12

Niho marayika o ghasaasabhe woose akahoma eghetibha keeche mo‑rooche orokoro ro Ebhuraati. Amanche ghaache ghakooma. Gho ghayo, eghaköru anchëra gho ghiri e bhatëmi bhano bhaakoru roghoro.