Obhohunyurëru 6:12 - Eriiraghano Eriihë

¹² Nekamara nekarighi Omoona o Ngʼöndu aranaanura omohuuri o nyaghame o ghasaasabhe. Hano ananwire, ghekarwera ekerighito ghekoro chwee ghe se. Eryobha reghiigharura arange, reekabha riirabhuru tuyi ke makara, no omwëri okabha mubhararatu piri ke masaahë.

Obhohunyurëru 6:12 Referans Kwoze

Mataayo 24:29

“Hano reekubha rehetiri eriibhagha re chaasiko chiyo che nyaako, ‘Eryobha ndeghotooru ekengʼuuri, omwëri tokoruusi emirëngaari gheeche, na chanchöta ncheghugho haase koru mwishaaro. Niho, ebheghiro bhyose bhe mwishaaro bheghosingisu.’

Obhohunyurëru 16:18

Nekarighi orunanehi rorabhari, na nekooghu eriiraka, na haakabha ne ekerighito ghe se. Ekerighito kiyo n‑ghekoro keere ghokera bhyose bhino ꞉bhiishamiri korwera hano Eryobha ꞉riitëëmiri omooto.

Obhohunyurëru 11:13

Mo‑riibhagha riyo riyo, ase ekarighitera chwee, eriiteneka rimu ghwi ikomi re moghya reghasarëka. Ekerighito kiyo, gheghaghëri abhaato ebheku mohungate (7,000) bhaaghaku, na abhande bhoose bhano bhasaaghiri bhaghatiina chwee, bhakareghongi Eryobha re Mwishaaro.

Obhohunyurëru 8:5

Akamara, marayika uyo akiimoki eghetibha keeche, aghiichori amakara gha mororo koru ahaghiro ha koruuseri amaruusi, aghagharëkëra mo‑se. Nekarighi orunanehi rorabhari, na nekooghu eriiraka, na haakabha ne ekerighito ghe se.

Mataayo 24:7

Ase imu nekurööna na ase ayende no obhutëmi bhumu mbokurööna no obhutëmi obhonde. Aghëëcha ne emerighito ghe se ngekorwera mo‑chaase chaaru.

Maariko 15:33

Korwera chaasa ishaasabhe che mwishe mbagha mo‑chaasa kende, gheekabha ekengʼuuri mo‑se yoose.

Mataayo 28:2

Mööhi, hakarwera omorighito mokoro o se. Marayika o Mutëmi aghiika koru Mwishaaro, aghaye mo‑mbeehera, akarehiringiti eriibhohe riire rubhareka na koriikarera.

Mataayo 27:54

Akamara omokoro o bhaashirikare haghirohamu na bhano ꞉bhaare bharamochonga Yesu hano bharooche ekerighito na aghande ghoose ghano gharweriire, bhaghatiina chwee, bhakabhugha, “Mahëënë, omooto uno naare Omoona o Ryobha!”

Mataayo 27:45

Hano eryobha rehikiri a‑mutu, ekengʼuuri gheghakundekeri mo‑se yoose mbagha mo‑chaasa kende.

Mataayo 11:21

“Horeera mokorighi inyu abhaato bha moghya o Korasiini! Horeera mokorighi inyu abhaato bha moghya o Bhetisaayita! Gho kubha ebheroghooro bhino ꞉niiköriri ghokoonyu, aribha nengabhiköriri mo-Tiiro na Sitooni, abhaato bha meghya ghiyo mbangatuukuuniire amasari ghaabho chaasiko chaaru. Mbangëërëkiri ghotuukuuna koobho gho kobheeka amaghööti gha maghönëra, na kwihaka eriibhu.

Obhohunyurëru 8:12

Marayika o kane woose aghatëma antaara yaache. Eriiteneka rimu ghwi ishato re ryobha, na re mwëri na re chanchöta bheghatëmu, haakabha ne ekengʼuuri. Eriiteneka rimu ghwi ishato re mwishe reghatigha kurëngaari ne eriiteneka rimu ghwi ishato re bhotiko rekabhori obhwero.

Obhohunyurëru 16:8

Niho marayika o kane akahoma eghetibha keeche mo‑ryobha. Niho eryobha rekahaabhu obhotoro bho ghweki abhaato kwo bhotuuku bhooche.