Obhohunyurëru 6:11 - Eriiraghano Eriihë

¹¹ Niho bhoose bhano ꞉bhiituru, bhakahaabhu chandachana echeero. Bhakabhooreru kubha bhaghanye kwo riibhagha ighuhe, mbagha abhahiiri bhaabho, abhatamishi abhaghëndi bhaabho, bhiitu kinya ibho ꞉bhiituru, kubha omubharo waabho ohikeerane.

Obhohunyurëru 6:11 Referans Kwoze

Obhohunyurëru 7:9

Hano ghayo ghahetiri, nekarighi eriirighi erende. Nekarighi erikinda ikoro re bhaato rino retaare reratoru kubharu. Abhaato bhayo mbaare bha chaase choose, na bha matöngö ghoose, na abhahiiri bhoose na bha bhighambo bhyose. Bhiimeeriire ambërë e ghetumbe ghe ghitëmi, na ambërë e Moona o Ngʼöndu. Bhabheekiri chandachana cheero na mbaare bhaghöötëriire amato gha mitëndë.

Obhohunyurëru 14:13

Nekooghu eriiraka koru Mwishaaro, rerabhugha, “Andëka hangʼu, korwera ibheere, ngʼoni abhaato bhoose bhano bhakuure ino bharamokumi Omutëmi Yesu.” Ekamara Akörö e Ryobha ekabhugha, “Hee, m‑mahëënë! Bhatore koweera kurëngʼaana ne emeremo gheebho emiköngʼu, gho kubha mbakubhöna atuho kwo maköri ghaabho amachömu.”

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.

Abheebhuraaniya 11:40

Eryobha ꞉ndiiköriri hangʼu gho kubha ndeere retusëëmiire amangʼana amachömu chwee, kubha itu haghirohamu nabho, tohikeeranibhu gho kubhöna ghaare ꞉riiraghiri ghotuha.

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Obhohunyurëru 17:6

Nekarighi omukari uyo arëëwuru gho kunyo amasaahë gha bhatööbhiyu bhano bhiituru gho kubha mbaare abhiibhateri bha Yesu. Hano nemorooche, nekaroghoora chwee.

Obhohunyurëru 13:15

Mbe, oghotyenyi ghuyo gho kabhere ghokahaabhu obhotoro bho kohuuteri omwika o bhuhöru mo‑sanaamu kubha etore ghosiikëra na ghughëri bhiitu abhaato bhano ꞉bhaangiri koyisëngëra.

Mataayo 10:21

“Kwo riibhagha riyo, omohiiri nakomwigharurani omohiiri waache na komuhaana mo‑mabhökö gha bhabhisa, kubha itu. Wiiki, omwibhori nakomuhaana omoona waache mo‑mabhökö gha bhabhisa kubha itu. Abhaana nabho mbakobhiigharurani abhiibhori bhaabho na ghughëri bhiitu.

Ruuka 15:22

“Amare, ishe akabhabhoorera abhasësë bhaache akabhugha, ‘Mukörë bhwango! Murëëtë angibho inchömu momobheeki. Momobheeki abhëtë mo‑kyara keeche, momobheeki ne ebhekwera.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

2 Abhatesaronike 1:7

na ndekobhaweeri inyu bhano mokunyaakibhu, haghirohamu na niitu. Ndeghuköra ghayo hano Omutëmi Yesu akuucha koru Mwishaaro ne emirëngaari ghe mororo, haghirohamu na bhamarayika bhaache bhano bhaanyi na changuru.

2 Timotewo 4:7

Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

Abheebhuraaniya 4:10

Omooto wowoose uno aghusöha ahaghiro hayo ha koweera, nakoweera ghuköra emeremo gheeche ghyose kinya bhuno Eryobha ꞉riiweeriri eriibhagha rimariri ghutëëma ase.

Abheebhuraaniya 12:23

Inyu mohikiri mo‑riikanisa re bhiibhoru a bhambërë bha Ryobha, bhano amariina ghaabho ghaandëkuru Mwishaaro. Mohikiri ambërë e Ryobha rino reenyi omoteni o kiina o bhaato bhoose na ambërë e bhaato abhahöriicho bhano bhakuure bhano Eryobha rebhahikeriini.

Obhohunyurëru 10:6

Akaraheri kwo riina re Ryobha rino reenyi ihöru emiishe ne emiishe, rino ꞉riitëëmiri erishaaro, na ase, na anyancha na ebhetyenyi bhyose bhino bheenyi‑mu. Marayika akabhugha, “Eriibhagha re ghughanya reghiisha.