Obhohunyurëru 5:9 - Eriiraghano Eriihë

⁹ Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Obhohunyurëru 5:9 Referans Kwoze

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

Mataayo 26:28

Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho.

Obhohunyurëru 14:6

Nekamara, nekarighi marayika owonde arituumuka ghateghate e riighoro. Marayika uyo naare na Angʼana Anchömu e miishe ghyose e kuraghaneri abhaato bhano bhiikeere mo‑se, kwo bhaato bha chaase choose, na amatöngö ghoose, ne ebhighambo bhyose na abhahiiri bhoose mo‑se ingima.

1 Abhakorinto 6:20

gho kubha moghoruru kwo riighori ikoro. Mbe, moreghongi Eryobha mo‑mebhere gheenyu.

Obhohunyurëru 5:12

Nekabhatëghëërëra bhareemba kwo riiraka, bharabhugha, “Omoona o Ngʼöndu uno asinchuru, nakurëngʼaanera ghosongʼaana obhotoro, no obhwame na amangʼiini. Changuru, na asooko, no obhokumi obhokoro, na aghongo m‑bhebheeche!”

Obhohunyurëru 4:11

“Omutëmi wiito ne Eryobha riito, nurëngʼaaniire ghoghongibhu, na ghosooku na kubha no obhotoro bhoose. Iye niiye utëëmiri ebheghiro bhyose, gho ghosiigha koocho ꞉mbiitëëmuru, wiiki niho bheenyi.”

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Obhohunyurëru 5:6

Mbe, haghuhe ne eghetumbe kiire ghe ghitëmi, nekarighi Omoona o Ngʼöndu imeeriire. Naare inaariiru ne ebhetyenyi bhiire bhine na abhagharuka bhaare miröngö ebhere na bhane. ꞉Naarighiibhu anga kinya asinchuru. Naare na chahëmbë mohungate na amiisho mohungate. Amiisho ghayo n‑Chaakörö mohungate che Ryobha chino cheere chetomuru mo‑se yoose.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

2 Bheetero 2:1

Amare mo‑riibhagha re bharööti, ꞉mbaarweriire abharööti bha bhuröngö ghate e Abhiisiraeri, kinya bhuno abheeghi bha bhuröngö bhaakubha ghate yaanyu. Abhaato bhayo mbaghusöhi kwo bhobhe ameeghi gha korumeeri abhaato, na mbakomwanga Omutëmi Yesu, uno abhatingwiri. Gho ghuköra hangʼu mbakwirëëtëra ghosireekerera koobho abheene kwo bhwango.

Abhakorosaayi 1:14

Gho kohetera Omoona waache ntobhwine ghotingoribhu, niko kobhugha amasari ghiito ngaabhiiru.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

1 Abhakorinto 7:23

Moghoruru kwo riighori ikoro. Gho ghayo, motabha abhasësë bha bhaato.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 11:9

Abhahiiri bhoose, na abhaato bha matöngö ghoose, na bha bhighambo bhyose, na bha chaase choose, mbaghoghamööhërëri amahundughu gha bhiibhateri bhayo bhabhere gho chaasiko ishato ne eriiteneka. Taanyi‑ho omooto uno aghwisherereru kobharyeka.

Abheebhuraaniya 11:14

Abhaato bhano bhaghosiikëra amangʼana kinya ghayo, mbakwërëki haheero kubha mbakwënda kubha na ase yaabho abheene.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abhaebheeso 5:19

Gho ghayo, mubhe moreemberana gho Sabhuri, na kwo myembo na gho chatensi che mo‑motema. Mubhe moramwembera na komuchaghanera Omutëmi Yesu, kwo metema gheenyu ghyose.

Obhohunyurëru 10:11

Nekabhooreru kubha, “Nokwëndëru koruusi obhurööti wiiki ighoro e bhaato bhaaru, na chaase chaaru, ne ebhighambo bhyaru na abhatëmi bhaaru.”

Obhohunyurëru 13:7

Ghoghiisherereru kurööna na abhatööbhiyu na kobhahicha. Ghokahaabhu obhotoro bho ghukangata abhaato bha matöngö ghoose, na bha abhahiiri bhoose na bha bhighambo bhyose na chaase choose.

Obhohunyurëru 15:3

Mbaare bhareemba omwembo o Musa omusësë o Ryobha, no o Moona o Ngʼöndu, bharabhugha, “Omutëmi Waryobha o Bhotoro Bhoose, amaköri ghaacho m‑makoro na gha koroghoori. Iye niiye Omutëmi o matöngö ghoose, na chanchëra cheecho n‑che hëënë, na che bhuhëënë.

Obhohunyurëru 17:15

Marayika akëëndërëra komboorera arabhugha, “Amanche ghano omusöngörëëri wuure ikeere ighoro yaache ngiimeereriire amakinda gha bhahiiri bhoose, na ase yoose ne ebhighambo bhyose.