Obhohunyurëru 5:5 - Eriiraghano Eriihë

⁵ Niho umu o bhagharuka bhaare akamboorera akabhugha, “Tigha korera! Mööhi! Aka e rwibhoro ro Yuuta, ino enyi orwibhoro orokoro ro mutëmi Tawuti, nakindiri. Iwe niwe akurëngʼaanera kunaanura emehuuri ghe nyaghame mohungate mo‑ghitabhu kiyo na ghokehunyura.”

Obhohunyurëru 5:5 Referans Kwoze

Obhohunyurëru 22:16

“Eni Yesu, n‑o riitina re mutëmi Tawuti no orwibhoro rooche, wiiki nekurëngaari kinya anchöta e tabhoori. Eni neeni netomiri marayika waane ache abhabhoorere inyu abhaghëndi bhaane amangʼana ghano, gho ghiri e makanisa.”

Abheebhuraaniya 7:14

Nimënyuru kubha iwe narweriire mwitöngö re Yuuta, wiiki hano Musa are arasiikëra ighoro e bhachaama tasiikëriire eritöngö riyo.

Abharuumi 15:12

Koru omurööti Isaaya woose ꞉naabhughiri kubha, “Omooto umu, koru mo‑rwibhoro ro Yeese nakuucha, nawe naghukangata amatöngö ghoose. Na abhaato bha matöngö ghoose, mbakomwitëngʼëra kubha iwe nakobhatoori.”

Abharuumi 1:3

Angʼana Anchömu iyo n‑angʼana ighoro e Moona waache. Omoona uyo, ꞉niibhwiru kinya omooto mo‑rwibhoro ro mutëmi Tawuti,

Obhohunyurëru 6:1

Nekamara nekarighi Omoona o Ngʼöndu aranaanura omohuuri wuure o nyaghame o mumbërë mo‑mehuuri ghiire mohungate. Achekumara eghetyenyi kimu ghate e bhiire bhine, ghekaruusi eriiraka kinya re runanehi, kerabhugha, “Nuuche!”

Obhohunyurëru 4:4

Mbeere‑ho ebhetumbe ebhende bhe ghitëmi miröngö ebhere na bhine bhiinaariiri eghetumbe kiire ghe ghitëmi. Mo‑bhetumbe bhiyo, mbaare bhiikeere abhagharuka miröngö ebhere na bhane. Mbaare bhabheekiri changibho cheero na chahuuru che sahaabhu mo‑mitu gheebho.

Obhohunyurëru 7:13

Akamara, umu o bhagharuka bhaare akamboori, “Weeche abhaato bhayo bhabheekiri chandachana echeero m‑bhawe? Weeche hayi bharweriire?”

Obhohunyurëru 4:10

Eriibhagha ryose Eryobha ndeere reraghongibhu ne ebhetyenyi bhiire, abhagharuka miröngö ebhere na bhane bhayo, mbaare bharagho kebhuuma ambërë e uno ikeere mo‑ghetumbe ghe ghitëmi na komusëngëra uno amanyiri emiishe ghyose. Ibho mbaare bharatoora chahuuru cheebho ambërë e ghetumbe ghe ghitëmi bharabhugha kubha,

Obhohunyurëru 1:1

Bhuno n‑obhohunyurëru bho Yesu Kirisito. ꞉Naahaabhuru obhohunyurëru bhuno ne Eryobha, kubha abhëërëki abhatamishi bhaache amangʼana ghano ghakwëndëru korwera ghano matiko. Yesu woose aghatoma marayika waache kurëëta obhohunyurëru bhuyo kwo mutamishi waache Yohana.

Yohana 20:13

Bhamarayika bhaare bhakamobhoori bhakabhugha, “Oo yiima, neke okorerera?” Iwe akabhagharokeri akabhugha, “Abhaato mbariimokiri erihundughu re Mutëmi waane, wiiki ntyeche hayi bharehiriri!”

Ruuka 7:13

Hano Omutëmi amorooche omosino uyo, akamoghwera bheghongi, akamobhoorera akabhugha, “Otighe korera.”

Ruuka 23:28

Yesu akabhiishororeri, akabhabhoorera, “Aa abhaghiikoro bhano bha Yerusareemu! Motanderera! Amare, mwirerere inyu bheene, morerere na abhaana bhaanyu!

Ruuka 8:52

Abhaato bhoose, mbaare bhararera na kwihiinyërëra gho ghiri e muukë uyo. Niho, Yesu akabhabhoorera akabhugha, “Motighe korera! Taamara aku uno, mööhi n‑komisi amisiri!”

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.

Obhohunyurëru 5:4

Mbe, neghasëëma korera chwee, gho kubha tabhönëkiri omooto wowoose uno arëngʼaaniire ghokehunyura koru ghoghisöma.