Obhohunyurëru 4:11 - Eriiraghano Eriihë

¹¹ “Omutëmi wiito ne Eryobha riito, nurëngʼaaniire ghoghongibhu, na ghosooku na kubha no obhotoro bhoose. Iye niiye utëëmiri ebheghiro bhyose, gho ghosiigha koocho ꞉mbiitëëmuru, wiiki niho bheenyi.”

Obhohunyurëru 4:11 Referans Kwoze

Obhohunyurëru 5:12

Nekabhatëghëërëra bhareemba kwo riiraka, bharabhugha, “Omoona o Ngʼöndu uno asinchuru, nakurëngʼaanera ghosongʼaana obhotoro, no obhwame na amangʼiini. Changuru, na asooko, no obhokumi obhokoro, na aghongo m‑bhebheeche!”

Obhohunyurëru 10:6

Akaraheri kwo riina re Ryobha rino reenyi ihöru emiishe ne emiishe, rino ꞉riitëëmiri erishaaro, na ase, na anyancha na ebhetyenyi bhyose bhino bheenyi‑mu. Marayika akabhugha, “Eriibhagha re ghughanya reghiisha.

Obhohunyurëru 14:7

Mbe, marayika uyo aghatiiri eriiraka, akabhugha, “Morisëngërë Eryobha na koreghongi, gho kubha eriibhagha re ghotenera ekiina abhaato ˆrekahika. Momusëngërë uno ꞉atëëmiri rishaaro, na ase, na anyancha, ne ebherika bhe manche.”

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Abheebhuraaniya 1:10

Wiiki Eryobha ndeebhoriire Omoona waache kubha, “Omutëmi, niiye utëëmiri ase ino korwera hayo simoka, wiiki niiye utëëmiri erishaaro kwo mabhökö ghaacho.

Abharuumi 11:36

Eryobha niryo ꞉riitëëmiri ebheghiro bhyose. N‑kohetera ghokooche ebheghiro bhyose mbekwëndërëra kubha‑ho, ne ebheghiro bhyose mbeenyi‑ho gho ghiri e bhokumi bhooche obhokoro. Eryobha reghongibhu emiishe ghyose! Hawubhaabha.

Abhaebheeso 3:9

Wiiki nebhatoorere haheero abhaato bhoose bharighi amangʼana gha Ryobha ghano ꞉ghaare ghabhisuru kinya ghakohikeeranibhu. Eryobha rino ritëëmiri ebheghiro bhyose ꞉ndeebhisiri amangʼana ghayo korwera simoka.

Amaköri gha Bhatomu 14:15

“Abhahiiri bhiito! Ngwake moghuköra amangʼana ghano? Itu n‑abhaato hangʼu toonyi kinya inyu! Ntwichiri hano kobheeghi Angʼana Anchömu, kobhabhoorera kubha motighe ghusëngëra chasanaamu chiyo, musëëmë kubha abhaato bha Ryobha rino reenyi ihöru! Rino ꞉riitëëmiri erishaaro, na ase, na anyancha, na bhyose bhino bheenyi mwishaaro, na mo‑se, na mo‑nyancha.

Amaköri gha Bhatomu 17:24

“Eryobha riyo niryo Omutëëmi o rishaaro na ase, gho kubha niryo ꞉riitëëmiri ase, na bhyose bhino bheenyi‑mu. Retaakumanya mo‑masëngërö ghano ghabhëkuru kwo mabhökö gha bhaato.

Obhohunyurëru 5:2

Wiiki nekarighi marayika uno anyi na changuru, araraghani kwo riiraka ikoro, arabhugha, “N‑niwe arëngʼaaniire ghoghinaanura emehuuri ghino ghe nyaghame na kohunyura eghitabhu kino?”

Abheebhuraaniya 1:2

Amare chaasiko chino che ntenero, Eryobha ndeghosiikëra na niitu kohetera Omoona waache. ꞉Ndeemwahwire Omoona uyo abhe omughabhi o bheghiro bhyose, wiiki gho kohetera ghokooche Eryobha ꞉ndiitëëmiri ase.

Obhohunyurëru 1:6

Natuköriri itu tubhe obhutëmi bho bhachaama kubha torihökëri Eryobha, Ishe waache. Obhokumi obhokoro no obhotoro bhubhe kwo Yesu, emiishe ne emiishe. Hawubhaabha.

Obhohunyurëru 19:1

Hano ghayo ghahetiri, nekooghu kinya amaraka gha rikinda ikoro re bhaato iyo Mwishaaro. Bhaghatiiri amaraka gharabhugha, “Aghongibhu Waryobha! Obhotoori, no obhokumi obhokoro no obhotoro m‑bhe Waryobha wiito,