Obhohunyurëru 4:1 - Eriiraghano Eriihë

¹ Hano ghayo ghahetiri, nekarighi eriirighi erende. Mööhi! ꞉Neerooche orwighe rwighwiru Mwishaaro! Niho nekooghu eriiraka re ntaara renga rino nyoghwire ekimbërë, rekamboorera rerabhugha, “Nuuche, tiira ino ighoro, kubha nekwërëki amangʼana ghano ghakwëndëru gharwere, ghayo gharamara koheta.”

Obhohunyurëru 4:1 Referans Kwoze

Obhohunyurëru 11:12

Bhakamara, abhiibhateri bhayo bhabhere bhakooghu eriiraka ikoro koru Mwishaaro rerabhugha, “Muuche ino ighoro!” Bhoose bhaghituumuka ghuye Mwishaaro bhiinaariiru ne erishaaro, ino abhabhisa bhaabho bharabhamööhërëri.

Obhohunyurëru 1:19

“Ibheere andëka amangʼana ghano orooche, ghano ghaghuköru ibheere, na ghano ghakuucha ghuköru eriibhagha rino re kuucha.

Obhohunyurëru 1:10

Orosiko ro Mutëmi Yesu, Akörö Ahörëëru ekanyiikera. Hayo hayo nekooghu anyuma yaane eriiraka ikoro kinya re ntaara.

Maariko 1:10

Hano Yesu are aratiira koru mo‑manche, hayo hayo akarighi erishaaro reriighoka, na Akörö Ahörëëru eriika kinya egheghuuti na ghwikara ighoro yaache.

Obhohunyurëru 22:6

Akamara marayika uyo akamboorera akabhugha, “Amangʼana ghano n‑gha mahëënë na gha bhuhëënë. Omutëmi Waryobha uno akobhaha abharööti Akörö yaache, iwe ꞉naatomiri marayika waache kwërëki abhatamishi bhaache amangʼana ghano ghakwëndëru gharwere ghano matiko.”

Obhohunyurëru 16:17

Niho marayika o mohungate akahoma eghetibha keeche mwighoro. Nekooghu eriiraka ikoro koru mo‑ghetumbe ghe ghitëmi ke Mwisëngërö re Ryobha, rerabhugha, “Ghoose ˆghaghasira!”

Amaköri gha Bhatomu 7:56

Hayo akabhugha, “Mumööhërëri! Nerooche erishaaro reriighoka, no Omoona o Mooto imeeriire eribhaara re kwiro re Ryobha!”

Yohana 16:13

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Ruuka 3:21

Hano abhaato bhayo bhoose bhamariri kubhatiisu, Yesu woose akaacha akabhatiisu. Hano are arasabha Eryobha, erishaaro reghiighoka.

Amaköri gha Bhatomu 10:11

Mo‑marighi ghayo, akarighi erishaaro reriighoka. Egheghiro kenga omwando mokoro gheghiikibhu haase, ino ghighööturu chambaara cheeche choose inye.

Mataayo 3:16

Hano Yesu abhatiisuru na kohoroka mo‑rooche, mööhi, hayo hayo erishaaro reghiighoka, akarighi Akörö e Ryobha eriika kinya egheghuuti na ghwikara ighoro yaache!

Obhohunyurëru 1:12

Mbe, neghiishoorori kumööhi uno aghosiikëra na neeni, nekarighi ebheghiro mohungate bhe sahaabhu bhe ghotoorera‑mu ebhemore.

Obhohunyurëru 11:19

Niho eghisëku ghe ghusöhëra Mwisëngërö re Ryobha iyo Mwishaaro gheghiighoru. Erisandëkö re Riiraghano re Ryobha rekarighibhu mo‑nyumba iyo. Nekarighi orunanehi rorabhari, na nekooghu eriiraka, na haakabha ne ekerighito ghe se. Ambura inkoro e rihoorere eghatëëka chwee.

Obhohunyurëru 19:11

Hano ghayo ghahetiri, nekarighi eriirighi erende. Nekarighi erishaaro riighokiri. Nekarighi abharaasi ayeero no omooto ikeere ighoro yaache. Omooto uyo nabherekiiru, “O Muhëënë” no “O Mahëënë.” Iwe nahaatena ekiina na kurööna eriihë kwo bhuhëënë.